АМСМ: Маглата ја намали видливост на патот Скопје-Демир Капија
Објавено на 29 декември, 2023 во 08:12
![](https://duma.mk/wp-content/uploads/2023/12/magla-na-avtopat-2-88881.jpg)
Сообраќајот на државните патишта се одвива во зимски услови, по наместа влажни коловози. Намалена видливост до 100 метри поради магла има на патниот правец Скопје-Демир Капија, соопшти АМСМ.
На одредени патни правци кои поминуват низ клисури и усеци можна е појава на поситни одрони.
ЈП Македонијапат и АМСМ апелираат на внимателно возење и прилагодување на брзината кон условите на патот.
Од ЈП Македонијапат посочуваат дека нивните дежурни екипи се постојано на терен и ги одржуваат сите патни правци проодни.
Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата.
![](https://duma.mk/wp-content/uploads/2021/05/SEMM.jpg)