Камери ќе ловат сообраќајни прекршоци, внимaтелно возете на патиштата

Министерот за внатрешни работи, Оливер Спасовски информираше дека до крајот на летото се очекува поставување на камери на автопатиштата, експресните патишта, но и низ градовите, кои ќе регистрираат сообраќајни прекршоци.

– Целиот тој проект е генерално да се опфатат сите делови на државата. Ќе има фиксни и мобилни уреди кои ќе може да бидат поместувани на регионален и магистрален пат или на автопат. Целата работа е да биде што е можно поопфатен проектот низ целата земја и тој да се проширува. Со тоа ќе се зголеми не само јавната безбедност, туку и сообраќајната, рече денеска Спасовски од Штип.

Забележа дека во однос на сообраќајните контроли неколкукратно се зголемени тие контроли во текот на сите овие години, тргнувајќи од 2017 година до денеска и резултатите коишто се постигнуваат се видливи.

Дума.мк