Грипот се шири и се очекува да зема замав!

Заболени од грип, еден сомнителен случај за H1N1

Над 300 лица со симптоми на грип се пријавени од почетокот на месецот во Македонија, четири лица се потешко заболени, а кај едно лице е изолиран вирус од типот А. 

Се уште не е дефинирано дали се работи за H1N1, свински грип или H3N2, изјави Јованка Костовска раководител на Сектор за превентивна здравствена заштита при Министерството за здравство.

Костовска очекува како и во останатите земји во регионот, како што е Србија, каде веќе е детектиран свинскиот грип, Косово каде имаше смртен случај, и во Македонија, покрај сезонскиот грип, да го има и овој тип вирус.

Во споредба со лани, бројот на заболени во земјава е помал, но се очекува допрва да се зголемува. Од 1 октомври 2012 досега, забележани се 900 случаи со симптоми на грип, од кои околу 300 по 1 јануари.