Неколкумина амбасадори попладнево беа во општина Центар!
Амбасадорот на ОБСЕ Ралф Брет и амбасадорите на Холандија Мариет Шурман и на Италија Фабио Кристијани разговараа со градоначалникот на Центар, Андреј Жерновски и се запознаа со денешните инциденти предизвикани од поголема група граѓани кои рекоа дека спонтано се собрале во одбрана на црквата и верата.
Жерновски ги запозна амбасадорите дека граѓаните, од кои поголем дел не се од општина Центар се изманипулирани бидејќи на денешната седница на советот на општина Центар воопшто немаше точка за уривање на некаков објект па ниту на црква.
Градоначалникот на Центар ги извести амбасадорите дека иако уште изутрината полицијата била уредно известена дека се најавуваат поголеми протести и дека се можни инциденти, полицијата не превзела соодветни мерки.