(фото) Велешките основни и средни училишта како и детската градинка се приклучија на велигденскиот базар во Младински парк
![](https://duma.mk/wp-content/uploads/2024/04/DSC00798-1024x576.jpg)
Рачно изработени уникатни велигденски украси можеа да се најдат на штандовите на основните и средните училишта од градот како и детската градинка „Димче Мирчев“. Дел по симболична цена но поголемиот дел и хуманитарно се продаваа. Учениците оставаа пари во поставени кутии и ги купуваа уникатните украси изработени од своите најмали другарчиња од градинката или пак од учениците од училиштата. Насмеани и среќни сите со своите избрани украси меѓусебе си ги покажуваа, разменуваа и се забавуваа.
![](https://duma.mk/wp-content/uploads/2024/04/DSC00822-1024x576.jpg)
-Јас си купив уникатно зајче направено од рециклирана хартија, но и гнездо со шарени велигденски јајца. Многу е убаво денеска во паркот, сите се дружиме и сега си покажуваме кој што си купил за празникот, насмеано одговори едно девојче на поставеното новинарско прашање.
![](https://duma.mk/wp-content/uploads/2024/04/DSC00816-1024x576.jpg)
Покрај нив голема заинтересираност имаше и од граѓаните кои покрај изработките на децата ги разгледуваа и купуваа украсите од поставените тезги на роднокрајните ракотворци. Тие од 22 април, на неколку тезги ги нудат своите производи кои ги изработиле по повод најголемот христијански празник Велигден.
![](https://duma.mk/wp-content/uploads/2024/04/DSC00794-1024x576.jpg)
-Среќни сме што годинава има базар и за Велигденските празници. Ние во изминатиот период бевме дел и од новогодишниот и 8-мо мартовскиот базар. На овој начин сме поблиску до нашите граѓани кои немале можност да дознаат за нас ракотворците. Сега имаме каде да ги изложуваме и продаваме своите изработки освен на фејсбук. Многу сме среќни и се надеваме дека во иднина ќе имаме повеќе базари но исто така и приклучување на останатите ракотворци бидејќи во Велес не има многу повеќе од ова сега што го гледате на базарот, рече една од ракотворките на тезгите во Младински парк.
![](https://duma.mk/wp-content/uploads/2024/04/DSC00827-1024x576.jpg)
Инаку, базарот ќе продолжи до 30 април и сите заинтересирани граѓани може да го посетат и да си купат уникатни ракотворби за претстојните велигденски празници.
Стефани Манева
фото галерија:
![](https://duma.mk/wp-content/uploads/2024/04/DSC00815-1024x576.jpg)
![](https://duma.mk/wp-content/uploads/2024/04/DSC00811-1024x576.jpg)
![](https://duma.mk/wp-content/uploads/2024/04/DSC00808-1024x576.jpg)
![](https://duma.mk/wp-content/uploads/2024/04/DSC00804-1024x576.jpg)
![](https://duma.mk/wp-content/uploads/2024/04/DSC00801-1024x576.jpg)
![](https://duma.mk/wp-content/uploads/2024/04/DSC00798-1024x576.jpg)
![](https://duma.mk/wp-content/uploads/2024/04/DSC00798-1024x576.jpg)
![](https://duma.mk/wp-content/uploads/2024/04/DSC00791-1024x576.jpg)
![](https://duma.mk/wp-content/uploads/2024/04/DSC00787-1024x576.jpg)
![](https://duma.mk/wp-content/uploads/2021/05/SEMM.jpg)