Од септември дежурни аптеки и други новини во здравството

Од 1- ви септември Фондот за здравствено осигурување воведува новини во здравството.

Дежурните служби од наредниот месец ќе располагаат со нови 142 лека, дежурни аптеки ќе има во 11 градови, а дополнително се планира и пациентите кои купуваат лекови од странство без разлика на нивната јачина ако тие се на позитивна листа, Фондот за здравство ќе им ги рефундираат средствата, но за оваа новина се чека согласност од Министерството за здравство.

Со овие измени пациентите во дежурните служби ќе можат да примаат терапии за желудник, срцеви заболувања, стомачни тегоби, вирусни и бактериски инфекции, реума, лекови за респираторни заболувања, телесна температура седативи и лекови за алергија.

Во оние градови пак, во кои ќе нема дежурни аптеки граѓаните ќе може да ги набавуваат лековите од аптеките но преку повик.