Амбасадорот на САД во ОБСЕ бара независна истрага за содржината на „бомбите“
Попоски денеска при обраќањето на редовниот состанок на Постојаниот совет на ОБСЕ во Виена, во однос на разговорите во Брисел на 10 јуни, рече дека Македонија демонстрирала капацитет за дијалог во кој сите политички чинители треба да се однесуваат одговорно со цел да се надминат актуелните предизвици.
Мисијата на САД во ОБСЕ вели дека е неопходно да има независна, транспарентна и непристрасна истрага за содржината на „бомбите“ што ги објави лидерот на СДСМ, Зоран Заев.
„Владата, иако не е единствениот чинител на политичката криза, таа има особена одговорност поради нејзиниот статус на моќ. Затоа Владата треба да направи прогрес во некои клучни реформи без оглед на статусот во кои се разговорите кои ги води со опозицијата. Го повикуваме премиерот Никола Груевски да започне со работа веднаш. Во исто време го повикуваме Заев да се врати во конструктивна заложба. Политичките лидери им должат на граѓаните да работат заедно за да се најде решение за кризата“, се вели во одговорот на Баер.