Тунелот Катланово денеска четири часа без струја

Тунелот Катланово (Бадар) патен правец Скопје – Велес (М1) ќе биде без напојување со електрична енергија од 10,30 часот до 14,30 часот поради изведување на работи на електрична мрежа од страна на ЕВН.

Долж патниот правец А-1, на делницата Миладиновци-Куманово во двата правци, од наплатна станица Миладиновци до крај на стариот автопат-клучка Кр.Паланка,  почнуваат теренски активности  (геодетски и геомеханички истраги). До 2 ноември ќе се работи од село Агино до село Романовце во перидоот од 06:00 до 19:00 часот, а сообраќајната сигнализација за времена измена на режим на сообраќајот ќе биде поставена 24 часа на трасата.

Изведувањето на градежно-асфалтерски работи на патниот правец Фурка – Дојран е завршено, со што, според АМСМ, сообраќајот е нормализиран.

На 7 овој месец почнaа градежни работи на патниот правец Велес – Кадрифаково фаза 1: од клучка Велес крај на трета лента (депонија Велес) Лозово, Сарамзалино.

АМСМ препорачува внимателно возење, прилагодена брзина на движење и почитување на поставената сообраќајна сигнализација. Особено внимание е потребно на делниците кои минуваат низ клисурите и засеците, пред се на патните правци Катланово-Велес, Маврово-Дебар-Струга, Демир Капија-Удово, Кочани-Делчево и Берово-Виница, каде е можна почеста појава на одрони.

Сообраќајот на сите останати државни патишта низ Македонија се одвива непречено, по суви коловози. Интензитетот на сообраќај на патните правци надвор од градските средини е умерен. Нa граничните премини нема подолготрајни задржувања за влез и за излез од државата.