Србија ја приватизира државната новинска агенција Танјуг
Објавено на 30 јуни, 2015 во 09:11
Државната новинска агенција во Србија, Танјуг ќе се приватизира заедно со уште 37 други српски медиуми.
Агенцијата за приватизација упати јавен повик за понуди за приватизација, а во огласот наведе дека Република Србија продава 100 отсто удел во сопствеништво во Танјуг и оти според извештај на овластен проценител, проценетата вредност на капиталот е 760.936 евра.
Право на учество имаат домашни и странски физички и правни лица кои може да се пријават најдоцна до 30 јули.
Понудите ќе бидат отворени на трети август. Останатите 37 медиуми дадени за продажба во Србија се претежно помали радио станици.