Номинации за наградите „Еми“: Серијата „Succession“ прва на листата, во 27 категории за наградата

Американската академија за телевизиски уметности и науки официјално ги објави номинациите за 75-тото издание на доделувањето на наградите „Еми“. Според листата најмногу номинации има серијата „Succession“. Серијата е номинирана во вкупно 27 категории.

На списокот на номинираните се :

Меѓу номинираните за најдобра драмска серија се најдоа „Andor“, „Better Call Saul“, „The Crown“, „House of the Dragon“, „Succession“, „The White Lotus“ и „Yellowjackets“.

Во категоријата за најдобра хумористична серија номинирани се „Abbott Elementary“, „Barry“, „The Bear“, „Jury Duty“, „The Marvelous Mrs. Maisel“, „Only Murders in the Building“, „Ted Laso“ и „Wednesday“.

Номинираните за наградата во категоријата за најдобра мини-серија се „Beef“, „Dahmer – Monster: The Jeffrey Dahmer Story“, „Daisy Jones & the Six“, „Fleishman Is in Trouble“, „Obi-Wan Kenobi“.

За најдобра машка улога во драмска серија ќе се натпреваруваат Џеф Бриџис, („The Old Man“), Брајан Кокс („Succession“), Киран Калкин, („Succession“), Боб Оденкирк („Better Call Saul“), Педро Паскал („The Last of Us“) и Џереми Стронг („Succession“).

Номинирани за најдобра главна женска улога во драмска серија се Шерон Хорган, („Bad Sisters“), Мелани Лински, („Yellowjackets“), Елизабет Мос, („The Handmaid’s Tale“), Бела Ремзи, (The Last of Us), Кери Расел („The Diplomat“) и Сара Снук („Succession“).

За најдобра главна машка улога во хумористична серија номинирани се Бил Хејдер („Barry“), Мартин Шорт („Only Murders in the Building“), Џејсон Сегел („Shrinking“), Џејсон Судеикис („Ted Laso“) и Џереми Алан Вајт („The Bear“).

За наградата најдобра женска улога во хумористична серија номинирани се актерките Кристина Еплгејт („Dead to Me“), Рејчел Броснан („The Marvelous Mrs. Maisel“), Кинта Бренсон („Abbott Elementary“), Наташа Лион („Poker Face“) и Џена Ортега („Wednesday“).

Доделувањето на наградите „Еми“ ќе се одржи на 18 септември,годинава.

Дума.мк