Submit to FacebookSubmit to Google PlusSubmit to TwitterSubmit to LinkedIn

По последната сеча на дрва од страна на ШС „Бабуна“ затрупана е пешачката патека од село Нежилово до планинарски дом Чеплес на планината Јакупица. Според планинари кои деновиве не можеле да пешачат поради исечените и оставени дрвја и гранки гледката што ја фотографирале била само на почетокот на патеката. Тие бараат исечените дрвја и гранки што поскоро да ги извлечат шумарските работници.

- Исечените дрвја секако дека ќе ги соберат и изнесат. Ние бараме истото да го сторат и со исечените гранки. Ако ги остават исечените гранки нема во целост да ја ослободат пешачката патека. Тоа за планинарите нема да биде безбеден начин за движење по оваа патека која ја именувавме како скратена од Нежилово кон Чеплес. Исто така ние немаме алат и пари за да ангажираме лица за расчистување на патеката, рече планинарот Тодорче Ѓоргиев.

Директорката на ШС „Бабуна, Љубинка Попова рече дека точно знае за кој дел од сечата на Jакупица зборуваат планинарите.

- Тоа е планинарска патека што се наоѓа на локацијата „Чеплеска река“. Таму имаше сеча на дрвја и гранки. Од понеделник шумарските работници ќе почнат да расчистуваат. Тоа не е голем дел од патеката, рече Попова.

Оваа планинарска патека е само една од осумте на планината Јакупица и Даутица што многу често ја користат граѓаните за пешачење поради тоа што по неа најбрзо се стигнува до планинарскиот дом Чеплес. Таа според планинарите е најкратка, околу 6 километри, во споредба со останатите одбележани патеки на оваа планина во општина Чашка./У.Ј

 

 

SEMM baner MK

Поврзани вести

banerduma

 

 

baner i od veles se moze

E baner

Konsalting Jovevi

С О О П Ш Т Е Н И Е  З А  Ј А В Н О С Т

            Општина Велес ја информира јавноста дека, третото авионско тертирање против комарци ќе го изврши на ден 14 август (петок) 2020 год. во периодот од 0500 до 0630 часот. Доколку временските услови не дозволуваат авионско прскање истото ќе се изврши наредниот ден, 15 август (сабота) 2020 год.

            Границата, на третирањето е: Езеро Младост, с. Отовица, месност Јарбош, по течението на Вардар од север од с. Башино село низ Велес, се до вливот на реката Бабуна и с. Горно Караслари. На запад границата започнува од населбата Превалец, преку населбата Керамидна кон фабриката „Киро Ќучук“ и с. Горно Оризари.

Со третирањето ќе биде опфатено целото градско и приградско подрачје, како и целото течение на реката Вардар на овој потег. И оваа година ќе се третира рекреативниот центар Езеро Младост со непосредната околина.

Се известуваат пчеларите во времето на третирање и 3-4 часа потоа да ги затворат кошниците со пчели, заради можноста од влијание на средството со кое се врши третирањето врз безбедноста на пчелните семејства.

           

                                                                                    Градоначалник

                                                                                    на Општина Велес,

                                                                                    Аце Коцевски

 
   
   
   
   

Најново