Планинарско искачување на Кадиица за поддршка на болните од Пулмонална хипертензија
Објавено на 15 мај, 2019 во 08:46
По петти пат годинава Спортско планинарското друштво „Зелен рај“ го организираше искачување на Кадиица за сите планинари и вљубеници во природата. Искачувањето се реализираше во неделата на 12 мај под мотото„Качи се на врв, земи здив – за живот“.
Во искачувањето учество земаа планинари од Велес, Куманово, Битола и Пробиштип. Нивната цел беше несебичната поддршка на лицата со Пулмонална хипертензија како и подигнување на јавната свест на граѓаните за поддршка на луѓето болни од оваа болест на кои им се потребни и лекови.
Настанот го поддржа Општина Чашка за што Спортско планинарското друштво „Зелен рај“ искажа јавна благодарност./У.Ј