Submit to FacebookSubmit to Google PlusSubmit to TwitterSubmit to LinkedIn

Лозарите од Тиквешијата чие грозје не е сеуште исплатено утринава дојдоа по парите. Ги блокираа двете капии на винарската визба „Повардарие“ од Неготино. Тие се револтирани поради односот на винаријата и долгото тактизирање.

„Протестираме бидејќо визбата не го почитува договорот кој што е потпишан, има луѓе со неисплатени обврски од 2014 година, проблемот е едноставен треба да ни платат. Трпението ни е при крај. Не не интересира политика. Сакаме да ни платат за она што чесно сме го заработиле“ рече Илија Јанчев член на Иницијативниот одбор за протестот.

Винаријата пред извесен период поднесе кривични пријави против министерот за земјоделство бидејќи биле приморани да откупат поголеми количини на грозје од тоа што реално можеле да купат. Денеска од визбата не го кажаа својот став и не соопштија до кога лозарите да ги чекаат своите пари./А.Д

Поврзани вести

 

Вчера и денеска во ЈКП Дервен се испита причината за краткиот прекин на испорака на вода на ЈЗУ Болница – Велес на ден 20.02.2018 година.

Утврдено е дека екипа на Сектор Водовод работела на замена на вентил на ул. Љубљанска, поради што морале да го затворат вентилот на линијата од која од оваа страна се снабдува со вода болницата.

Но, лицето кое го затворило вентилот заради активностите на ул. Љубљанска, со крајна небрежност истото го сторило без да провери дека вентилот од втората доводна линија од страната на Којник бил исто така затворен, а што морал да го стори пред да го затвори вентилот од првата доводна линија. На овој начин ги затворил двата вентила од двете доводни линии и предзвикал краток прекин на водоснабдувањето во болницата во времетраење од 10-15 минути, по што било интервенирано и воспоставено нормално водоснабдување.

Како резултат на горенаведеното, во ЈКП Дервен во тек е постапка за утврдување на дисциплинска одговорност на соодветно лице, кон кое ќе бидат преземени строги дисциплински мерки.

Значи, не станува збор за намерно исклучување на водата на болницата, или исклучување со дадена наредба, бидејќи за тоа нема причини.

Реакциите на јавноста се оправдани и очекувани. Сепак, коментарите на социјалните мрежи кои имаат намера да прикажат пред јавноста дека наведениот проблем е намерено предизвикан, смислен и сл. и дека некој сака свесно да предизвика проблем се неточни и злонамерни.

Со почит,
ЈКП Дервен

Најново