Submit to FacebookSubmit to Google PlusSubmit to TwitterSubmit to LinkedIn

Во спортската сала „Гемиџии“ попладнево мал фудбал играа ченовите на УМС на Внатрепартиската иницијатива за реформи во ВМРО ДПМНЕ. Дванаесеттина млади момчиња, подделени во две екипи, се трудеа да постигнат што повеќе голови. Натпреварот изобилуваше со погодоци па тешко беше да се избројат колку постигна едната а колку другата екипа. Сепак младите фудбалери велеа дека не ги бројат постигнатите голови туку дека целта им била да се дружат и заедно да спортуваат.

- Со сите активности, вклучувајќи ја и попладневнава, испраќаме јасна порака дека Иницијативата за реформи е активна на терен со конкретни настани и потполно спротивно од пасивниот начин на работа на сеуште актуелното раководство на ВМРО ДПМНЕ. Наша цел е промовирање на вистинските вредности и ефективно трошење на слободното време на младите. И токму затоа организираме настани од ваков вид, за младите да се рекреираат и дружат, надвор од партиските активности, - рече портпаролката Катерина Граматова.

Таа соопшти дека вакви и слични содржини на настани ќе практикуваат и во наредниот период./У.Ј

Поврзани вести

 

Вчера и денеска во ЈКП Дервен се испита причината за краткиот прекин на испорака на вода на ЈЗУ Болница – Велес на ден 20.02.2018 година.

Утврдено е дека екипа на Сектор Водовод работела на замена на вентил на ул. Љубљанска, поради што морале да го затворат вентилот на линијата од која од оваа страна се снабдува со вода болницата.

Но, лицето кое го затворило вентилот заради активностите на ул. Љубљанска, со крајна небрежност истото го сторило без да провери дека вентилот од втората доводна линија од страната на Којник бил исто така затворен, а што морал да го стори пред да го затвори вентилот од првата доводна линија. На овој начин ги затворил двата вентила од двете доводни линии и предзвикал краток прекин на водоснабдувањето во болницата во времетраење од 10-15 минути, по што било интервенирано и воспоставено нормално водоснабдување.

Како резултат на горенаведеното, во ЈКП Дервен во тек е постапка за утврдување на дисциплинска одговорност на соодветно лице, кон кое ќе бидат преземени строги дисциплински мерки.

Значи, не станува збор за намерно исклучување на водата на болницата, или исклучување со дадена наредба, бидејќи за тоа нема причини.

Реакциите на јавноста се оправдани и очекувани. Сепак, коментарите на социјалните мрежи кои имаат намера да прикажат пред јавноста дека наведениот проблем е намерено предизвикан, смислен и сл. и дека некој сака свесно да предизвика проблем се неточни и злонамерни.

Со почит,
ЈКП Дервен

Најново