Submit to FacebookSubmit to Google PlusSubmit to TwitterSubmit to LinkedIn

Најголема битка партиите ќе ја бијат за Скопје, Тетово, Куманово. Од „тешка категорија“ ќе биде битката за Скопје. Резултатите од последните избори велат дека во главниот град, СДСМ на последните избори освои речиси 129 000 гласа, а ВМРО-ДПМНЕ околу 10 000 помалку или 119 000.

СДСМ има повеќе гласови од ВМРО-ДПМНЕ во Скопје и ако се исклучат општините со доминантно албанско население, Чаир и Сарај. Но, во исто време БЕСА, ДУИ, Алијансата за Албанците и ДПА вкупно добија над 46 000 гласови во главниот град. Тоа значи дека крајниот исход во многу ќе зависи од одлуката на Албанците, како ќе постапат во извесниот втор круг. Дали ќе го дадат гласот за СДСМ или ВМРО-ДПМНЕ или пак, ќе апстинираат од гласање.

Крајно е неизвесна битката во Тетово. На парламентарните избори најмногу гласовиосвои ДУИ, 10 800, а втора беше БЕСА со 8 500. Ако расположението е непроменето речиси е сигурен вториот круг и безброј комбинации.

Причината е што трета партија во Тетово е ВМРО-ДПМНЕ со 8 050 гласа, а веднаш зад нив се ДПА и СДСМ со по околу 7 300 гласа. Не се за занемарување и 3 600-те гласа кои ги доби Алијансата за Албанците. Доколку во втор круг одат кандидатите на ДУИ и на БЕСА, клучот за победникот ќе биде во поддршката од гласачите на 4-те други политички партии, ВМРО-ДПМНЕ, ДПА, СДСМ и Алијансата за Албанците.

Можеби третата најинтересна битка ќе биде во Куманово. На крајот на декември кумановчани гласаа речиси поделено, со мала предноста за СДСМ пред ВМРО-ДПМНЕ. Партијата која ја води Заев доби 22 200 гласови, а ВМРО-ДПМНЕ 20 700, односно околу 1500 помалку. Партиите на Албанците во Куманово добија вкупно 11 300 гласа, што значи дека во вториот круг токму тие гласови веројатно ќе бидат одлучувачки фактор кој ќе биде градоначалник.

Сепак, бројките од парламентарните избори не можат да послужат за да е предвиди и конечниот исход. Важен фактор за расположението на гласачите останува личноста на кандидатот за градоначалник и неговата програма.

Извор: АлсатМ

Поврзани вести

 

Вчера и денеска во ЈКП Дервен се испита причината за краткиот прекин на испорака на вода на ЈЗУ Болница – Велес на ден 20.02.2018 година.

Утврдено е дека екипа на Сектор Водовод работела на замена на вентил на ул. Љубљанска, поради што морале да го затворат вентилот на линијата од која од оваа страна се снабдува со вода болницата.

Но, лицето кое го затворило вентилот заради активностите на ул. Љубљанска, со крајна небрежност истото го сторило без да провери дека вентилот од втората доводна линија од страната на Којник бил исто така затворен, а што морал да го стори пред да го затвори вентилот од првата доводна линија. На овој начин ги затворил двата вентила од двете доводни линии и предзвикал краток прекин на водоснабдувањето во болницата во времетраење од 10-15 минути, по што било интервенирано и воспоставено нормално водоснабдување.

Како резултат на горенаведеното, во ЈКП Дервен во тек е постапка за утврдување на дисциплинска одговорност на соодветно лице, кон кое ќе бидат преземени строги дисциплински мерки.

Значи, не станува збор за намерно исклучување на водата на болницата, или исклучување со дадена наредба, бидејќи за тоа нема причини.

Реакциите на јавноста се оправдани и очекувани. Сепак, коментарите на социјалните мрежи кои имаат намера да прикажат пред јавноста дека наведениот проблем е намерено предизвикан, смислен и сл. и дека некој сака свесно да предизвика проблем се неточни и злонамерни.

Со почит,
ЈКП Дервен

Најново