Submit to FacebookSubmit to Google PlusSubmit to TwitterSubmit to LinkedIn

Со 61 глас „за” и еден „воздржан” пратениците во Собранието го донесоа Законот за ратификација на договорот за добрососедство со Бугарија. Воздржано гласаше независниот пратеник од коалицијата на СДСМ, Ферид Мухиќ. Тој рече дека договорот не е симетричен и дека Владата на Република Македонија плаќа цена со него.

Пред гласањето, пред пратениците се обрати министерот за надворешни работи, Никола Димитров кој порача дека факт е дека тешки и деликатни прашања меѓу две соседни држави тешко се договараат со идеален текст, но исто така е факт и дека со договорот растеме и двете држави и даваме сигнал дека и во нашиот регион можеме да се однесуваме европски, порача министерот за надворешни работи.

– Денес ќе направите голема работа ако го поддржите ратификувањето. Регионот е оптоварен со историја, историјата е важна но на неа не можеме да делуваме, можеме на иднината. Убаво е кон соседите да можеме да се однесуваме како кон еднакви, да не се плашиме, и нас ни требаат пријатели и ние им требаме нив. Ќе беше убаво и опозицијата да биде тука, да го поддржат овој договор. Се надевам ќе најдат сили да бидат кооперативни во иднина, рече Димитров.

Тој посочи дека денешното ратификување има симболика бидејќи на денешен ден Бугарија ја призна Република Македонија под уставното име и беше прва држава која го направи тоа.

Поврзани вести

lifer gif 300x250 Duma

baner i od veles se moze

E baner

Најново

АПЕЛ ЗА ПОМОШ НА СЕМЕЈСТВОТО МАНЕВИ

На 20 декември 2019 година во пожарот што изби во комплексот Варналиите, во Велес, на улица: „Јован Наумов Алабакот“ целосно е оштетена и куќата со реден број 10 на семејството Маневи во која живееја Љубица и Бојан. Огнот ги пеплоса покуќнината, мебел, технички апарати и гардероба. Тие немаат каде да живеат. Засега се згрижени кај роднини. На Љубица и Бојан им е потребна граѓанската помош и поддршка. Граѓани, да му покажеме на ова семејство, дека не е само во загубата на имотот. 

Пред и за време на новогодишните и божикни празници, секој од Вас колку што може нека донира на сметка 210-5016284563-22, депонент НЛБ Тутунска Банка АД Скопје. Сопственик на сметката е Манева Љубица со живеалиште на ул. Јован Наумов Алабакот број 10 во Велес. Број на повикување за физички лица е 289, за правни лицае 262, со назнака донација.

За добронамерните граѓани надвор од Македонија уплатите можат да се вршат на IBAN Code MK7210501628456322, SWIFT TUTNMK22.