Submit to FacebookSubmit to Google PlusSubmit to TwitterSubmit to LinkedIn

ski cente

27.11.2020

Идејата на канцеларката Ангела Меркел да ги затвори европските скијачки центри оваа година за да се избегне пораст на инфекции со Ковид-19 би била „фатална“ за финската економија, протестираше во петокот финското министерство за економија.

„Во Финска, повеќето посетители на ски-центри се локални жители. Би било многу бизарно да се затворат ски-центрите, додека состојбата со вирусот во земјата не е ни приближно лоша како во другите европски земји“, рече портпаролот на Министерството, Мика Линтила, цитиран од Франс Прес.

Таквата одлука би била „смртоносен удар“ за туризмот во Лапонија, каде се наоѓаат најпопуларните скијачки центри.

„Можно е да се одржи потребното растојание на падините и во лифтовите. Постојат многу поопасни места од скијачките центри“, изјави претставникот на финската асоцијација на скијачки региони, Хари Линдфорс.

Во Шведска, главниот епидемиолог Андерс Тегнел исто така рече дека неговата земја не треба да ги затвора ски-центрите.

„Постои голема разлика помеѓу нашите скијачки центри на север и оние што ги имате на Алпите“, додаде тој.

Франција, Италија, Словенија, Германија и Австрија на почетокот на зимата одлучија да ги остават ски-центрите затворени во надеж дека ќе се отворат во екот на сезоната, ако во меѓувреме се намали стапката на ширење на инфекцијата.

Австрија се спротивставува на предлогот на канцеларката, додека Италија веќе соопшти дека нема да има скијање за Божиќните и новогодишните празници.

Француската влада донесе одлука скијачките центри да останат затворени до почетокот на 2021 година

Веќе се отворени швајцарските скијачки центри.

донација од Норвешка

Мите Јаначков

 

 

SEMM baner MK

Поврзани вести

NOVOGODISENBANERSINALCO

 
   
   
   
   

Најново