Submit to FacebookSubmit to Google PlusSubmit to TwitterSubmit to LinkedIn

Блокирани субвенции, зголемен увоз, проблем со откупот на праските и бостанот, продадени 21.000 тони пченица од стоковите резерви во пресрет на жетвата и неплатени 400.000 евра членарина за меѓународните институции од кои Македонија добива поддршка, беа само некои од проблемите со кои се соочи земјоделството во 2017 година.

Годината што измина ја одбележаа и штетите од пролетниот мраз кој во некои региони од државата уништи речиси 100 проценти од овошните и лозовите насади. Посебно на удар беа сливите и јаболката. Состојбата во Преспанско беше исклучително лоша. Сотрени беа 80 до 90 отсто од родот. Штети имаше и кај компирот, морковот, зелката, пиперот, доматите. Измрзна и тутунот.

Обесштетувањето не можеше да се реализира поради предвремените парламентарни избори, односно членот во Изборниот законик кој забрануваше исплати до формирање влада. Дел од економистите сметаа дека законска пречка нема и дека исплатата, не само на обесштетувањето, туку и на субвенциите, не се спроведува зашто во државниот Буџет нема доволно пари.

Следуваа протести на производителите и преговори со надлежните институции.

Покрај сите овие проблеми, новата Влада која стапи на функција од 1 јуни, обелодени и низа недоследности во работењето на претходниот состав. Обвини дека дотогашното раководство во Министерството за земјоделство трошело народни пари за шопинзи по бутици, кафеани, журки во странски дискотеки. Исплаќани биле и прекувремени работни часови без евиденција.

Актуелниот министер Љупчо Николовски информира и за опструкции од поранешното раководство на АД Водостопанство. Претпријатието 20 дена не пуштало вода во Тиквешкиот регион кога било најпотребно поради што исходот беше слаб род, лош квалитет, ниски цени и револтирани земјоделци.
Во периодот јуни – септември следуваа мерки за санирање на евидентираните проблеми. Најпрво беа обезбедени дополнителни субвенции од шест денари за праските и два денара за бостанот со кои се ублажи ценовниот шок поради ниските откупни цени. Потоа беше продолжен рокот за аплицирање за годинашните субвенции до 15 септември. Проектирани беа нови 10 милиони евра за Програмата за финансиска поддршка во земјоделството 2017 и за Програмата за рурален рзвој 2017, односно, дополнителни 6.000 денари за хектар за производителите на пченица, како и дополнителен еден денар за килограм јачмен предаден кај регистрирани откупувачи.

Зголемени за 10 отсто по хектар беа и субвенциите за лозови и овошни насади, за градинарски и фуражни култури.

Се распиша оглас за 10.000 евра неповратна финансиска помош за млад земјоделец со променети услови (првите договори се потпишаа во ноември), оглас за поддршка на подигање долгогодишни насади и набавка на приплодни грла, исто така со променети услови, како и уште два огласа за давање под закуп државно земјоделско земјиште до три и над три хектари.

Паралелно со сите овие мерки, Министерството ги скрати и непродуктивните трошоци. Донесени беа пет правилници за строга контрола на трошењето пари за прекувремени работни часови, угостителски услуги, репрезентација, службени патувања, гориво, дневници.

Евидентни беа и честите средби на производителите и откупувачите со министерот Николовски. Се водеше транспарентен дијалог за, како што изјавуваше тој, поефикасно решавање на проблемите. Ангажирана беше и науката преку формирање посебно тело во Министерството за земјоделство.

Последниве месеци почна креирањето на решението за т.н зелена нафта од кое се очекува драстично намалување на производните трошоци. Оваа мерка, освен што ќе биде своевидна поддршка за земјоделците, треба да го аморитизира и ударот од зголемувањето на акцизата за нафтата за три денари по литар, односно поскапувањето на дизелот за 3,5 денари.

Зголемувањето на акцизата ги подели земјоделците. Едни оценија дека ваквото решение не е добро, дури укажуваа и дека е против земјоделството, па предлагаа негово изземање, додека други – дека не треба да се прави политички маркетинг со нафтата зашто поскапувањето не би било големо (десет денари за декар или 100 денари за хектар), туку да се смисли стратегија како да се пласираат производите зашто тоа, според нив, е поголем и посуштински проблем.

– Направени се сите потребни анализи за воведување „зелена нафта“ во земјоделството. Стартот на мерката е планиран за 2018 година, изјави на 25 ноември 2017 министерот Николовски.

„Зелена нафта“ ќе се воведе преку измени на Законот за земјоделство и рурален развој. Оваа мерка практично значи дека ќе се кофинансира набавката на гориво за земјоделската механизација.

Уште не беа стивнати реакциите околу „зелената нафта“, кога Владата најави нови законски измени, овојпат за персоналниот данок на доход. Со нив се предвидува земјоделците кои остваруваат приход до еден милион денари, на почетокот на секоја година да го добијат назад персоналниот данок што им се задржувал претходните 12 месеци. Проценка на ресорното Министерство е дека со ваквите измени околу седум милион евра повеќе ќе завршат кај земјоделците, наместо кај државата како досега. Со мерката ќе бидат опфатени 65.000 земјоделци. Тие ќе бидат ослободени и од административни трошоци, односно од обврската да поднесуваат даночни пријави. Тоа во нивно име ќе го прават откпувачите.

Земјоделството во 2018 година ќе биде поддржано со 160 милиони евра субвенции, а приоритети, како што најави министерот Николовски во интервју за МИА, остануваат окрупнување на земјиштето, реконструкција, рехабилитација и изградба на хидростистеми за наводнување, максимално искористување на ИПАРД средствата, заокружување на системот на безбедност на храната, подобрување на конкуретноста на стратешките извозно-ориентирани земјоделски производи, стимулирање на фирмите за промоција на своите производи на странските пазари и ревизија на доделеното земјоделско земјиште.

Буџетот за земјоделството во 2018 година е проектиран на 10,1 милијарда денари. Највеќе средства одат кај Платежната агенција, вкупно 8,6 милијарди денари, од кои 8,4 се за директна поддршка во земјоделството и руралниот развој. Само за земјоделското производство се планирани 6,6 милијарди денари, додека за зголемување и заштита на шумскиот фонд се обезбедени 21 милион денари. Вкупниот буџет на Министерството за земјоделството, пак, изнесува околу 643 милиони денари./MIA

Мирјана Чакарова

 

 

SEMM baner MK

Поврзани вести

lifer gif 300x250 Duma

baner i od veles se moze

E baner

Konsalting Jovevi

veles

Општина Велес ја известува јавноста дека на четвртата седница на Општинскиот штаб за заштита и спасување, која се одржа на 23 март 2020 година (понеделник) во проширен состав се донесоа следниве заклучоци:

  • За спроведувањето и реализацијата на препораките за ограничено движење на граѓаните на јавните места и во институциите, Општина Велес ќе ја известува јавноста преку официјалната интернет страница, преку официјалните социјални мрежи, како и преку електронските и пишани локални медиуми;
  • Поради неисправноста на водата во село Сопот за потребите на жителите од село Сопот, Општина Велес обезбедува достава на канистер со вода за техничка употреба и флаширана вода за пиење.

veles

Општина Велес ја известува јавноста дека на четвртата
седница на Општинскиот штаб за заштита и спасување, која
се одржа на 23 март 2020 година (понеделник) во проширен
состав се донесоа следниве заклучоци:
- Предложената мерка, Малиот пазар во „Нова населба”,
да остане затворен за работа, останува во сила;
- ЈКП „Дервен” да донесе Одлука во врска со работењето
на Градскиот пазар да работи секој ден, од 06:00 до
13:00 часот;
- Да се ограничи продажбата исклучиво само на
земјоделски производи (овошје, зеленчук и други
прехрамбени производи);
- Прехрамбените производи да бидат изложени на секоја
втора тезга во редот;
- Да се изврши оградување на паркинг просторот надвор
од пазарот, да не се дозволува продажба на производи;
- Да се регулира влегувањето и излегувањето на
посетителите во пазарот, со два влезови;
- Пред влезовите да се забележи влегувањето преку
двајца редари и да се внимава на физичикото
растојание при влегувањето;
- Задолжително носење на заштита опрема (маски и
ракавици) на продавачите;
- На влезовите да биде поставено средство за
дезинфицирање и маски за потребите на купувачите;
- Местото на продажба на производи од ист вид, се
утврдува од раководителот на ЈП Пазари при
доделувањето на тезгата за продажба;
- ЈКП „Дервен” се задолжува преку јасно видливо
известување до граѓаните да го определи
времетраењето на задржување на купувачот во пазарот;

- По препораки на Светската Здравствена Организација
(СЗО) ЈКП „Дервен” од денес врши зголемување на
нивото на хлор во водоснабдителниот систем по 0,5 ml/L
милиграми на литар резидуален хлор во градскиот
водоснабдителен систем;
- Согласно Оперативниот план за дезинфицирање се
задолжува ЈКП „Дервен” да спроведе дезинфицирање на
на детските забавни паркови, спортските терени,
патеката околу езерото „Младост” и други јавни
површини во градот.

 

veles

Општина Велес ја известува јавноста дека на четвртата
седница на Општинскиот штаб за заштита и спасување, која
се одржа на 23 март 2020 година (понеделник) во проширен
состав се донесоа следниве заклучоци:
- Се задолжуваат мобилните тимови на МВР – СВР Велес
на двата пунктови при влезот во град Велес, одредени
на улиците „Вардарска” и „Димитар Влахов”, да вршат
редовна контрола на физичката состојба на учесниците
во сообраќајот, како и дезинфенкција на возилата;
- Се задолжува МВР – СВР Велес да одреди тимови кои
ќе вршат контрола на движењето на граѓаните кон езеро
„Младост”;
- МВР одредува една патрола со двајца униформирани
полицајци за воведување на ред на влезовите на
пазарот.

 

veles

Општина Велес ја известува јавноста дека на четвртата
седница на Општинскиот штаб за заштита и спасување, која
се одржа на 23 март 2020 година (понеделник) во проширен
состав се донесоа следниве заклучоци:
- Се упатуваат управителите на згради, претседателите
или претставници на куќните совети на станбените
згради, да стапат во контакт со Центарот за јавно здравје
со цел добивање конкретни информации за начинот на
употреба на средства за дезинфицирање на зедничките
простории, телефон за контакт: 078 246 729.

 

 

 

 
   
   
   
   

Најново