На охридскиот аеродром „Свети Апостол Павле“ денеска стигна првата група од 180 туристи од холандскиот град Ајндховен, кои организирано ќе летуваат на Охридско-струшката ривиера преку аранжманите на туроператорот „ТУИ“.

Народната банка ги известува сите правни лица кои ги одржуваат машините за обработка на пари и автоматите за наплата со готовина на територијата на Република Македонија дека по 15 мај 2018 година ќе почне периодот во кој ќе можат да ги приспособат софтверите за да ги препознаваат карактеристиките и заштитните елементи на полимерните пари во апоенска вредност од 10 и 50 денари.

Европската банка за обнова и развој, но и други банки, како Европската инвестициска банка, сакаат да учествуваат во финансирање на изградбата на ветерници во Миравци и фотоволтаична централа во Осломеј. Ова го истакна министерот за финансии Драган Тевдовски, кој учествуваше на Годишните средби на Европската банка за обнова и развој кои се одржаа во Јордан.

Два крупни проекта од областа на гасификацијата најави министерот за финансии Драган Тевдовски, кој учествува на Годишните средби на Европската банка за обнова и развој (ЕБОР) во Јордан. Првиот се однесува на изградба на секундарна гасоводна мрежа во општините, а вториот за изградба на магистрален гасовод меѓу Македонија и Грција. ЕБОР е заинтересирана за финансирање на двата проекта.

Вицепремиерот за економски прашања Кочо Анѓушев вели дека е оптимист за наоѓање решение за комбинатот „Југохром“ со кое ќе се внимава и на здравјето на луѓето и на економијата.

Врвни инструктори од канадската школа за бизнис „Ричард Ајви“ ќе ги пренесат своите практични познавања и совети за водење успешен бизнис на единаесетото издание на проектот „Лидер“ организиран од Македонија 2025.

Поврзани вести

Web banner Duma Kozuvcanka Fakti 300x250px 01

banerknigovodstvo

Најново