Submit to FacebookSubmit to Google PlusSubmit to TwitterSubmit to LinkedIn

Третина од населението на островот Икарија во Грција имаат над 90 години. Со Сардинија во Италија, Никоја на Костарика, Окинава во Јапонија и Лома Линд во Калифорнија, Икарија се наоѓа во Сината зона, или е едно од петте места на светот каде луѓето живеат најдолго.

Експертите тврдат дека здравата исхрана и активноста се клуч за долг живот на островјаните. Лекарите и антрополозите наведуваат дека многу важен фактор се и блиските односи со семејството и соседите.

„Икаријанците се трудат да останат блиски со семејството и соседите, а најстарите играат важна улога во заедницата. Бабите и дедовците често се грижат за внуците и ги водат семејните работи“, се наведува во проектот Сина зона.

Докторот во пензија Кристодулот Ксенакис има теорија дека мештаните од грчкиот остров избегнуваат непотребни грижи и тоа влијае на нивната долговечност.

„Овде не се договараат состаноци“, вели 81-годишниот доктор, кој на островот важи за млад човек.

Вели дека времето на островот е важно, но не на начин како другите размислуваат за тоа.

„Договорите се сведуваат на: „се гледаме наутро, попладне или навечер. Не се секираме за тоа“, вели Ксенакис.

Мештаните преку целиот ден се во движење. Често организираат регати, а долната старосна граница за капитените е 70 години.

„Тоа не е навистина трка. Повеќе е регата која покажува дека и понатаму сме способни“, вели Ксенакис. „Секогаш во слободното време може нешто да работите. Но, кога правите нешто што вас или другите ги прави среќни, како да не се чувствувате поздрави и млади“.

 

 

Најново