Полски хостел се рекламира со нацистички пароли
Објавено на 24 ноември, 2017 во 09:43
Хостел во југозападна Полска предизвика скандал откако на Твитер беше објавен транспарент на кој пишува „Забрането за Евреи, комунисти, крадци и предавници“.
Хостелот се наоѓа во малото место Цезаровице, а голем број корисници на Твитер хостелот го нарекоа „Дом на нацистите“.
Транспарентот наводно стои на влезот со месеци, а локалните власти не презеле ништо бидејќи хостелот е приватна сопственост.
Сопственикот на хостелот Пјотр Рибак во моментот е во затвор поради инцидент поврзан со расизам. Тој во ноември 2015 година во Вроцлав запалил слика на Евреи, а се бранеше дека запалил фотографија на Џорџ Сорос.