Submit to FacebookSubmit to Google PlusSubmit to TwitterSubmit to LinkedIn

Со оваа анализа се чини конечно е решена вековната мистерија за Јети, „чудовиштето“ што стана дел од хималајската култура.

Научниците тестираа примероци собирани со години, а биологот Шарлот Линдквист од Универзитетот на Бафало ги претстави резултатите пред јавноста.

По генетската анализа на девет коски, заби, кожа и влакна, утврдено е дека примероците припаѓаат на хималајска мечка.

„Очигледно е дека голем дел од легендата за Јети има врска со мечките“, вели таа.

Истражувањето покажа дека примероците што наводно припаѓале на Јети всушност се примероци на денешни видови мечки, поконкретно, хималајската црна и кафеава мечка.

Хималајската кафеава мечка е на листата загрозени животински видови.

„Нашето истражување покажа дека генетиката може да ги реши ваквите мистерии“, заклучи доктор Линдквист.

На научниците од 19. век кои наводно први го виделе Јети и ја вознемириле јавноста, сигурно би им олеснало кога би ги знаеле овие научни докази.

 

Вчера и денеска во ЈКП Дервен се испита причината за краткиот прекин на испорака на вода на ЈЗУ Болница – Велес на ден 20.02.2018 година.

Утврдено е дека екипа на Сектор Водовод работела на замена на вентил на ул. Љубљанска, поради што морале да го затворат вентилот на линијата од која од оваа страна се снабдува со вода болницата.

Но, лицето кое го затворило вентилот заради активностите на ул. Љубљанска, со крајна небрежност истото го сторило без да провери дека вентилот од втората доводна линија од страната на Којник бил исто така затворен, а што морал да го стори пред да го затвори вентилот од првата доводна линија. На овој начин ги затворил двата вентила од двете доводни линии и предзвикал краток прекин на водоснабдувањето во болницата во времетраење од 10-15 минути, по што било интервенирано и воспоставено нормално водоснабдување.

Како резултат на горенаведеното, во ЈКП Дервен во тек е постапка за утврдување на дисциплинска одговорност на соодветно лице, кон кое ќе бидат преземени строги дисциплински мерки.

Значи, не станува збор за намерно исклучување на водата на болницата, или исклучување со дадена наредба, бидејќи за тоа нема причини.

Реакциите на јавноста се оправдани и очекувани. Сепак, коментарите на социјалните мрежи кои имаат намера да прикажат пред јавноста дека наведениот проблем е намерено предизвикан, смислен и сл. и дека некој сака свесно да предизвика проблем се неточни и злонамерни.

Со почит,
ЈКП Дервен

Најново