Афористичарот Коки: „Жената е како бајка, крајот е најубав“

По повод празникот на припадничките на понежниот пол, 8 Март, им упатувам најискрени честитки со осум нови афоризми.

-За празникот на своите сопруги, многумина луѓе ќе се чувствуваат ПРАЗНИчно, џебовите ќе им бидат…ПРАЗНИ.

-Жените се се поискрени, освен годините, не се обидуваат ништо друго да сокријат.

-Жените честопати не знаат што бараат, ама си ги остваруваат желбите.

-Жената стравува од својот маж само тогаш, кога е со друг.

-Сите мажи се исти, рекоа жените, и продолжија да ги одбираат.

-Искусните жени од секоја нова љубов излегуваат се поневини.

-Жените живеат подолго од мажите, затоа нивниот збор е последен.

-Жената е како бајка, крајот е најубав.

Афористичар

Никола Бошков – Коки