Афоризми на Коки: „Кој учи љубов од книги, тој ги плаќа печатните грешки“
Објавено на 4 декември, 2023 во 09:36
Нови шест афоризми на афористичарот Никола Бошков – Коки за читателите на Дума.мк. „Посакувам убава работна недела на секој читател“, додава Коки.
-Кој учи љубов од книги, тој ги плаќа печатните грешки.
-Од новите избори, најмногу очекуваат да се офајдат многуте полтрони, голтари и маргинални партиски лигуши.
-Ми вети невиност, сега чекам на ред.
-Во бракот каде што жената е „прва“ виолина, на мажот единствено му преостанува да ги свртува нотите.
-Ако првата љубов Ви е и последна, тогаш примете го моето најискрено сочувство.
-Честопати во животот е како и во шахот: Дамата најчесто ја освојува некој…КОЊ.
Афористичар
Никола Бошков – Коки
Поврзано:
