Коки: „За празникот на своите жени и многу мажи ќе се чувствуваат празнично, џебовите ќе им бидат…ПРАЗНИ“

Велешкиот афористичар Никола Бошков Коки првиот понеделник од месец март, испрати шест нови аафоризми до редакцијата на Дума.мк по повод Меѓународниот ден на жената, 8-ми март. Уживајте, насмевката е загарантирана!

-За празникот на своите жени и многуте мажи ќе се чувствуваат празнично, џебовите ќе им бидат…ПРАЗНИ.

-Додека мачките за љубов го имаа цел февруари, на некои жени единствено им преостана…ОСМИ МАРТ.

-Не ви вреди многу сознанието дека сопругата ви е на свое место, ако на овој празник некој друг е на вашето.

-За да им се остварат празничните желби, многуте жени ќе се обидат на своите мажи да им се пикнат под кожа со надеж дека ќе успеат да ги одерат.

-Некои жени ќе бидат мошне пријатно изненадени од своите швалери, со убав, скапоцен подарок, а некои од мажот…ако тој одненадеж се врати дома од службеното патување.

-Ако и на овој убав празничен ден, потенцијалните швалери не се во состојба да уловат РИБА, значи дека мамката не им е добра.

Афористичар

Никола Бошков Коки

Дума.мк