Општина Чашка -домаќин на Здружението на комунални инспектори на Македонија

На седницата што се одржа во Општина Чашка, Извршниот и Надзорниот одбор на здружението, ја прифатија информацијата за изборот на ново раководството, тековно работење и состојба на сметка, донесоа заклучоци за примената на новиот Закон за инспекциски надзор, за прифаќање на забелешки, иницијативи и насоки за евентуалната надлежност на Овластените комунални инспектори во Нацрт Законот за управување со отпад и за постапување на извршните платни налози донесени од Овластените комунални инспектори.

Нa седницата, Градоначалникот на Општина Чашка, Горан Стојановски изрази несебична и силна подршка на работата на Здружението за подобрување на статусот на Овластените комунални инспектори, нивната професионална надлежност и активностите кои ги спроведуваат кон зачувување на животната средина.

Претседателот на Здружението на комунални инспектори на Македонија, Овластениот комунален инспектор Марјан Јовановски ги истакна придобивките кои се однесуваат на инспекторите и произлегуваат од новиот Закон за инспекциски надзор како и заложбите кои се однесуваат на здружението кое во иднина ќе се залага да работи во интерес на инспекторите, жителите на матичните и општините. Тој предложи активно учество на здружението во подобрување на законските прописи кои се однесуваат на комуналната област.

Традиционално во знак на подобрување на животната средина, по завршување на седницата беше засадена садница, во дворот на општина Чашка./У.Ј