Боеви гаѓања на полигонот Криволак!
Објавено на 13 март, 2013 во 10:55
Денеска и утре АРМ на полигонот Криволак ќе изведува боеви гаѓања. Поради тоа месното население кое гравитира околу армискиот полигон не треба да се вознемирува поради детонациите кои ќе одекнуваат.
Жителите не треба да се движат во близина на полигонот, не треба да врзуваат стока за напасување и да не оставаат моторни возила. Исто така препорака до населението е да не земаат или допираат неексплодирани проектили или средства кои можат да му го загрозат животот.
“Доколку истите се пронајдат, треба да бидат пријавени во најблиската полициска станица или да се известат надлежните органи од Командата на армискиот полигон Криволак“ велат од АП Криволак. Стрелиштето на кое ќе се изведуваат планираните гаѓања, ќе биде видно одбележано./Б.Н.Т
