Велешките Социјалдемократи добија нов претседател
Триесет и шест годишниот антрополог Дејан Арсовски,дипломец на Институтот за етнологија и антропологија на Природно математички факултет е новиот Претседател на ОО на СДСМ во Велес.
Тој има седумнаесет годишен партиски стаж. Започнал како активист во 2000 година а осум години подоцна е избран за Претседател на локалниот клуб Социјал демократската младина на Велес за мандатниот период 2008- 2012 година. Две години подоцна Арсовски е избран за член на Извршниот Одбор на партиската организација со четири годишен мандат. Исто така досега бил и член на Советот на општина Велес во мандатниот период од 2010 до 2013 година.
Дејан Арсовски е актуелен директор на ЈП Хидросистем „Лисиче“. Тој ја наследи функцијата Претседател од Панче Иванов, актуелен пратеник во Собранието на Република Македонија./У.Ј