Велешанка помеѓу 12 македонски жени на билборд изложбата „Иднината е женски род“

Воопшто не е тешко да се открие кој лик на Велешанка е дел од изложбата „Иднината е женски род“ што вчера вечер беше отворена во ИСТ Гејт мол во Скопје. Ликот на  хуманитарката Ленче Здравкин се наоѓа на еден од вкупно 12 билборди коишто се составен дел на изложбата. Хуманитарката е дел од изложба на македонски жени коишто се хероини во својата област на работа и ангажирање.

Изложбата „Иднината е женски род“ ја отвори Елизабета Ѓоргиевска сопруга на Претседателот на Македонија, Стево Пендаровски, добредојде на присутните им посака и Моника Сандри, претставничка на Обединетите Нации во Македонија и евроамбасадорот Дејвид Гир.

На отворањето на изложбата присуствуваше дипломатскиот кор во државава како и бројни министри во македонската Влада.

Организатор на изложбата е Делегацијата на Европска Унија во државава.

Убавка Јаневска