Денеска дожд и заладување!
Објавено на 12 јуни, 2013 во 06:29
Времето денеска во Македонија ќе биде променливо облачно и посвежо со повремен дожд.
Попладне локално ќе има развој на нестабилна облачност проследена со пороен дожд и грмежи.
Ќе дува умерен до засилен ветер од северен правец.Во источните делови врнежите ќе бидат пообилни.
Температурата ќе се движи од 18 до 27 степени.
Во Скопје времето утре ќе биде променливо облачно и посвежо, со повремен локален дожд и со умерен до засилен северозападен ветер.
Утринската температура ќе се спушти до 14, а дневната ќе се искачи до 24 степени.