Следуваат денови со натпросечно високи температури и портокалова фаза на опасност
Објавено на 27 јули, 2021 во 09:24
Денеска не очекува сончево и многу топло со мала до умерена локална облачност. Дневните температури ќе се движат од 32 до 39 степени и УВ индексот ќе изнесува 9.
Од денес до крајот на оваа седмица под влијание на топла воздушна маса од југ, времето ќе биде многу топло со натпросечни температури за овој период од годината. Во следните денови на повеќе места температурите ќе бидат над 35 степени.
Најтопло ќе биде од среда до недела кога ќе биде активирано портокалово ниво на опасност од високи температури, а вредноста на УВ индексот ќе изнесува 9. Наместа вдолж Повардарието температурата ќе го надмине и 40-тиот степен.
