Египет ќе избере привремен лидер!
Објавено на 4 јули, 2013 во 08:27
По синоќешното отстранување од власт на исламистичкиот претседател Мухамед Морси, шефот на уставниот суд во Египет Адли Менсур денеска ќе положи заклетва како вршител на должноста претседател на Египет.
Египетската армија го суспендираше Уставот и ги објави чекорите што треба да доведат до нови претседателски избори.
Со тоа завршува претседателствувањето на Мохамед Морси, по неколкудневните протести на кои милиони Египќани ѝ се спротивставија на исламистичката влада на земјата.