Грчкиот Парламент одлучува за финансиската помош
Објавено на 12 август, 2015 во 12:13
Грчката Влада го поднесе до Парламентот нацрт законот во кој е наведена тригодишната програма за финасиска помош со меѓународните кредитори, барајќи брзо одобрување кое ќе го отвори патот средствата за помош да бидат веднаш исплатени.
Денешниот потег доаѓа еден ден откако Атина се согласи со условите на нејзините меѓународни кредитори за програмата за финасиска помош од 85 милијарди евра со цел Грција да се задржи во еврозоната. Премиерот Алекцис Ципрас побара од Парламентот да се забрза одобрувањето на договорот, за комитетите да можат да дискутираат пред гласањето на 13 август. Ципрас сака договорот да биде одобрен од Парламентот пред да се сретне со министрите за финасии од еврозоната на 14 август.
Извор: Радио Слободна Европа