Submit to FacebookSubmit to Google PlusSubmit to TwitterSubmit to LinkedIn

EU fin

11.06.2020

Европската комисија предложи земјите од Западен Балкан да бидат први на списокот на земји на кои ќе им биде дозволено да влезат во Шенген зоната од 1 јули.

Комесарот за внатрешни работи на ЕУ, Илва Јохансон, рече дека ЕУ е во позиција постепено да ги укинува ограничувањата на надворешните граници на ЕУ со трети земји кои се во слична или подобра епидемиолошка ситуација од 1 јули.

– Денес започнуваме со консултации за составување список на земји на кои ќе им се дозволи влез во ЕУ. Европската комисија предлага Западен Балкан да биде на списокот од 1 јули – вели Јохансон.

Европската комисија ги повика земјите-членки на ЕУ и членовите на Шенген-зоната да ги укинат контролите на внатрешните шенген-граници во понеделник, 15 јуни, воведени со цел да се сузбие ширењето на пандемијата КОВИД-19.

– Епидемиолошката состојба низ ЕУ брзо се подобрува. Европскиот центар за контрола и превенција на инфекции оцени дека контролите на внатрешните граници меѓу членките на ЕУ не се ефикасен начин за борба против КОВИД-19 – наведува Јохансон.

Таа додава дека препораките на Европската комисија за ограничувања на надворешните граници на ЕУ за сите несуштински патувања завршуваат на 15 јуни, но дека земјите-членки побарале кратко продолжување на тие ограничувања.

– Сега наша препорака е да ги прошириме привремените ограничувања за патувањето во ЕУ, кои не се од суштинско значење до 30 јуни.
„Сè уште не сме во состојба целосно да ги укинеме сите патни ограничувања на сите надворешни граници на ЕУ, но ќе започнеме постепено од 1 јули“, потенцира Јохансон.

Таа додава дека целиот процес мора да биде координиран и дека најважната цел е заштита на јавното здравство.

Критериуми што треба да се земат предвид при постепено отворање на надворешните граници на ЕУ кон трети земји се епидемиолошката состојба, мерките за заштита при патувањето и принципот на реципроцитет, т.е. доколку ЕУ ги отвори шенген-границите кон трета земја, треба да ги отвори и своите граници за сите членки на ЕУ.

 

 

SEMM baner MK

Поврзани вести

banerduma

 

 

baner i od veles se moze

E baner

Konsalting Jovevi

С О О П Ш Т Е Н И Е  З А  Ј А В Н О С Т

            Општина Велес ја информира јавноста дека, третото авионско тертирање против комарци ќе го изврши на ден 14 август (петок) 2020 год. во периодот од 0500 до 0630 часот. Доколку временските услови не дозволуваат авионско прскање истото ќе се изврши наредниот ден, 15 август (сабота) 2020 год.

            Границата, на третирањето е: Езеро Младост, с. Отовица, месност Јарбош, по течението на Вардар од север од с. Башино село низ Велес, се до вливот на реката Бабуна и с. Горно Караслари. На запад границата започнува од населбата Превалец, преку населбата Керамидна кон фабриката „Киро Ќучук“ и с. Горно Оризари.

Со третирањето ќе биде опфатено целото градско и приградско подрачје, како и целото течение на реката Вардар на овој потег. И оваа година ќе се третира рекреативниот центар Езеро Младост со непосредната околина.

Се известуваат пчеларите во времето на третирање и 3-4 часа потоа да ги затворат кошниците со пчели, заради можноста од влијание на средството со кое се врши третирањето врз безбедноста на пчелните семејства.

           

                                                                                    Градоначалник

                                                                                    на Општина Велес,

                                                                                    Аце Коцевски

 
   
   
   
   

Најново