Новиот Ајфон 13, со стакло од сафир, наскоро на светските пазари
12.01.2021
На интернет се појавија првите (неофицијални) информации како би можело да изгледа следниот „iPhone“.
Според тие наоди,„iPhone 13“ ќе го задржи истиот дизајн како моментално актуелната 12-та генерација на “Apple” телефони, но ќе биде за нијанса подебел.
Се верува дека „iPhone 13“ ке биде достапен во четири верзии, па може да се очекува дека ќе се задржат сите димензии на екранот како до сега.
Тие екрани ќе бидат идентични како кај „iPhone 12“ моделите, со рамни рабови, но ќе имаат помал израз на врвот од екранот.
Ширината и висината на телефонот ќе бидат исти како на актуелната генерација, но дебелината на телефонот ќе биде зголемена за 0.26 милиметри.
Кога е камерата во прашање, можни се некои промени во нивниот дизајн.„Apple“ ќе ги покрие сите три објективи со стакло од сафир, со што целиот модул на камери ке биде визуелно соединет.
Хардверскиот модел на камерата на „iPhone 13 pro“ и „13 pro max“ ќе бидат исти, па се очекува тие два модели да ги имаат истите карактеристики.
Сегашниот „iPhone 12pro max“ има 2.5х оптички зум и подобра оптичка стабилизација, па по тоа се двои од моделот „iPhone 12pro“, пишува порталот „bankar.me“.
Претходно беше објавено дека целата 13-та генерација ќе има ЛиДАР скенери, а не само Про верзиите како што е случајот сега.
Минг Чи Куо, еден од најпознатите (и најпрецизни) аналитичари на „Apple“ смета дека производството и лансирањето на овогодишните модели ќе си го следат истиот тренд, па можеме да ги очекуваме во продажба во Септември 2021
Мите Јаначков