Submit to FacebookSubmit to Google PlusSubmit to TwitterSubmit to LinkedIn

Снежна покривка од 40 - тина сантиметри викендов се формира во подкожувските села. На висорамнината Витачево има снег од 20 тина сантимери. Во текот на денешниот ден имаше нови врнежи од снег во Михајлово, Рожден, Мрежичко и Бојанчиште и има нова покривка од снег.

Според информациите од зимската служба на општина Кавадарци сите патни правци во низинскиот дел е проодно, а исто така расчистени се и патните правци  кон селата од Бошавијата.

Денеска механизацијата на фирмата „Јами“ задолжена за зимско одржување на локалните улици и патишта го расчистуваше снегот од патните правци кон Михајлово, Конопиште, Мрежичко.

Иако патните правци се проодни сепак се апелира без поголема потреба да не се патува кон подкожувските села, бидејќи поради ниските температури има појава на голомразица./А.Д

Поврзани вести

 

Вчера и денеска во ЈКП Дервен се испита причината за краткиот прекин на испорака на вода на ЈЗУ Болница – Велес на ден 20.02.2018 година.

Утврдено е дека екипа на Сектор Водовод работела на замена на вентил на ул. Љубљанска, поради што морале да го затворат вентилот на линијата од која од оваа страна се снабдува со вода болницата.

Но, лицето кое го затворило вентилот заради активностите на ул. Љубљанска, со крајна небрежност истото го сторило без да провери дека вентилот од втората доводна линија од страната на Којник бил исто така затворен, а што морал да го стори пред да го затвори вентилот од првата доводна линија. На овој начин ги затворил двата вентила од двете доводни линии и предзвикал краток прекин на водоснабдувањето во болницата во времетраење од 10-15 минути, по што било интервенирано и воспоставено нормално водоснабдување.

Како резултат на горенаведеното, во ЈКП Дервен во тек е постапка за утврдување на дисциплинска одговорност на соодветно лице, кон кое ќе бидат преземени строги дисциплински мерки.

Значи, не станува збор за намерно исклучување на водата на болницата, или исклучување со дадена наредба, бидејќи за тоа нема причини.

Реакциите на јавноста се оправдани и очекувани. Сепак, коментарите на социјалните мрежи кои имаат намера да прикажат пред јавноста дека наведениот проблем е намерено предизвикан, смислен и сл. и дека некој сака свесно да предизвика проблем се неточни и злонамерни.

Со почит,
ЈКП Дервен

Најново