Не постоел граѓанин во Велес што не ја познавал бабицата Родна Смилева Коларова. Неа секој ја повикувал за породување, за помош на болни деца, за свадба, акчиица да биде. А баба Родна незнаела никого да одбие. Одела и кај Македонци и кај Турци и кај Власи и кај Роми. Таа била тивка, полна со добрина и од нејзината душа и срце, протекувале убавите зборови што помагале на свет да се донесе уште едно дете, да му се помогне да се излекува, да се направат сите адети за среќа и берикет на младенците. Таква била баба Родна, една од ретките велешанки која средно медицинско училиште завршила во Цариград во далечната 1912 година.

Ако не се жалат ЈКП „Дервен“ и ЈП „Лисиче“ според пресметките на Регулаторната комисија за енергетика цената на водата во Велес треба да се зголеми а не да се намали. Комисијата пресметките ги прави според европска методологија и во нејзината работа Европската Комисија не дозволува да се меша ни Владата ниту Општините во Македонија иако тоа не им одговара. Намалувањето на цената на водата за велешани беше едно од трите приоритетни ветувања на Градоначалникот на Општина Велес во изборната трка за освојување на градоначалничката функција. На новинарско прашање ќе се намали ли цената на водата во Велес, Аце Коцевски на последната прес конференција рече:

На 7-ми февруари,годинава,во Основниот суд во Велес ќе се одржат испитно рочиште за финансиско материјалната состојба и извештајното на Собранието на доверителите на кавадаречки „Фени“. Скопска Апелација ја отфрли жалбата на фирмата „Фени индустри“ во стечај, како и на уште неколку други фирми за отворање на стечај во комбинатот.

Пациентите од Велес кои имаат потреба од примање на крвни додатоци како свежи тромбоцити, можеби испрани еретроцити или некој друг вид на крв, плазма не мора да одат во Скопје и на Клиниките да ја примат потребната количина за да им се подобри здравствената состојба. Тие доволно е само да побараат помош од Интерното одделение на велешката болница а специјалистите интернисти треба да организираат земање на крв и да ги прочитаат резултатите по извршеното лабораториско испитување што е доволно да изготват требовање за количината и да го достават до дежурниот лаборант во одделението за Трансфузиологија кое е во склоп на Болницата. Лаборантот има обрска да ја нарача потребната количина што Институтот за трансфузиологија од Скопје се обврзува веднаш да ја испорача, додека пациентот е во дневната болница, на самото одделение. Штом крвта, свежи тромбоцитите стигнат за отприлика еден или два часа, таму ќе може да ја прими потребната количина, велат денеска од Институтот за Трансфузиологија. Истото се однесува и за пациентите кои имаат потреба од друг вид на крв или крвни плазми кога станува збор за пост оперативна потреба а тоа треба да се даде на одделението за лекување на хирушки болести.

Шеесет и четиригодишниот велешанец Д.В.(64) од Велес пријавил во Секторот за внатрешни работи во Велес дека бил каснат од непозната раса на куче во вторникот на 23 јануари околу пладне. 

Само едно, триесет и пет години старо, возило во велешката пожарна е исправно. Останатите не можат да ја извршуваат функцијата бидејќи не се исправни. Едно од нив три години стоело кај механичарот во Здружението на возачи без да биде поправено. Оштетувањата на возилата се појавиле како резултат на неиспуштање на водата во зимскиот период или биле со други дефекти кои во изминатиот период не биле отстранети. Тоа го утврдила контролата што ја направил Градоначалникот Аце Коцевски заедно со ревизорите на општина Велес во Територијалната противпожарна единица. Коцевски смета дека градот има голема среќа што во изминатиот период не се појавил поголем пожар.

Поврзани вести

 

Вчера и денеска во ЈКП Дервен се испита причината за краткиот прекин на испорака на вода на ЈЗУ Болница – Велес на ден 20.02.2018 година.

Утврдено е дека екипа на Сектор Водовод работела на замена на вентил на ул. Љубљанска, поради што морале да го затворат вентилот на линијата од која од оваа страна се снабдува со вода болницата.

Но, лицето кое го затворило вентилот заради активностите на ул. Љубљанска, со крајна небрежност истото го сторило без да провери дека вентилот од втората доводна линија од страната на Којник бил исто така затворен, а што морал да го стори пред да го затвори вентилот од првата доводна линија. На овој начин ги затворил двата вентила од двете доводни линии и предзвикал краток прекин на водоснабдувањето во болницата во времетраење од 10-15 минути, по што било интервенирано и воспоставено нормално водоснабдување.

Како резултат на горенаведеното, во ЈКП Дервен во тек е постапка за утврдување на дисциплинска одговорност на соодветно лице, кон кое ќе бидат преземени строги дисциплински мерки.

Значи, не станува збор за намерно исклучување на водата на болницата, или исклучување со дадена наредба, бидејќи за тоа нема причини.

Реакциите на јавноста се оправдани и очекувани. Сепак, коментарите на социјалните мрежи кои имаат намера да прикажат пред јавноста дека наведениот проблем е намерено предизвикан, смислен и сл. и дека некој сака свесно да предизвика проблем се неточни и злонамерни.

Со почит,
ЈКП Дервен

Најново