Во североисточниот дел на Вардарски регион најголем одзив на денешните локални избори,до 13 часот, има на избирачките места во општина Лозово. Според Државната Изборна комисија таму излегле и гласале 38,1% од граѓаните евидентирани во Избирачкиот список. Претседателот на Општинската Изборна Комисија, Ристе Андонов ни вчера ниту денеска е достапен на мобилниот телефонски број што е објавен за контакт на веб страницата на ДИК.

На време беа отворени двете избирачки места во Основниот суд во Велес и без проблеми тече изборниот процес, рекоа Претседателките на Избирачките одбори 2161 Емилија Дикова и на 2162 Јелена Тодевска. Зградата на Основниот суд во Велес се наоѓа во строгиот центар на градот. Во моментот кога престојувавме бројот на граѓани кои доаѓаа, гласаа и си заминуваа беше голем.

Осумдесет и осум годишната Нада Манушева е највозрасниот избирач запишан во Избирачкиот список на избирачкото место 2156 кое се наоѓа во зградата на економското училиште „Јовче Тесличков“ во Велес. Таа и денска дојде и го оствари своето избирачко право. Насмеана и ведра, оваа витална жена вака одговори на новинарското прашање што очекува од новиот Градоначалник и Совет на Општина Велес.

Во Велес, во 1860 година и во состав на турската касарна, била отворена првата болница. Во неа здравствена заштита покрај војниците добивале и граѓаните. Во болницата работеле турски лекари како и еден Македонец и еден лекар од Ерменија. Лекарот од Македонија бил велешанецот Д-р Панче Васков.

Огнот избувнал вечерва околу 21 часот во шупата на семејството Стојанови на улицата „Богдан Прличков“ број 8 во Велес. Тоа е помошен објект до куќата на ова семејство во месноста Којник. Пожарот бил пријавен веднаш во пожарникарската станица во Велес.

Кандидатот за градоначалник на Велес, Аце Коцевски на коалицијата предводена од СДСМ на денешната завршна прес конференција прво го анализираше текот на предизборната кампања кога рече дека е задоволен од успешната кампања, од масовниот прием кај граѓаните, од взаемната позитивната енергија, од нивните стотици прашања и предлози. Потоа им се обрати на граѓаните на Велес велејки им да излезат и да гласаат и притоа да не се плашат да го дадат својот глас за промени на локалните избори. На крајот  тој ја побара поддршката на велешани во недела на 15 октомври со заокружување на редниот број 19 за Градоначалник  и за Листата со кандидати за Советот на општина Велес од коалицијата предводена од СДСМ.

Поврзани вести

 

Најново