Submit to FacebookSubmit to Google PlusSubmit to TwitterSubmit to LinkedIn

Ристе Велковски како извршен директор на Акционерското друштво ГРК „Борец“ и Стојан Мирчевски, Петре Климкаров, Марјан Неделковски, Томе Бабунски, Тоше Кирков, Дарко Тикваров, Марјан Грумбаровски, Тоше Тутарков, Тони Шопов и Петре Здравковски како нови членови на Управниот одбор на машкиот градски ракометен клуб. Нив на последната седница ги изгласа Советот на Општина Велес.

-При изборот се водеше сметка да се изберат граѓани кои што имаат поврзаност со ракометот, биле играчи и луѓе кои имаат менаџерски способности што ќе можат да ги практикуваат во клубот. Секако тие треба да вложат напори за да им помогнат на играчите и тренерите да постигнуваат успешни резултати во понатамошната сезона на првенството, рече претседателот на Советот на Општина Велес, Душко Петров.

Исто така во составот на новиот Управен одбор на градскиот ракометен клуб ќе членуваат и двајца граѓани од навивачката група „Ѓемиџии“.

- Од причини што сметавме дека тие треба да бидат вклучени и информирани како и да учествуваат во работата на ГРК „Борец“. Од името на Советот на Општина Велес им посакувам успешна работа и што побрзо да се конституираат и да започнат со работа, додаде Петров./С.А

Поврзани вести

 

Вчера и денеска во ЈКП Дервен се испита причината за краткиот прекин на испорака на вода на ЈЗУ Болница – Велес на ден 20.02.2018 година.

Утврдено е дека екипа на Сектор Водовод работела на замена на вентил на ул. Љубљанска, поради што морале да го затворат вентилот на линијата од која од оваа страна се снабдува со вода болницата.

Но, лицето кое го затворило вентилот заради активностите на ул. Љубљанска, со крајна небрежност истото го сторило без да провери дека вентилот од втората доводна линија од страната на Којник бил исто така затворен, а што морал да го стори пред да го затвори вентилот од првата доводна линија. На овој начин ги затворил двата вентила од двете доводни линии и предзвикал краток прекин на водоснабдувањето во болницата во времетраење од 10-15 минути, по што било интервенирано и воспоставено нормално водоснабдување.

Како резултат на горенаведеното, во ЈКП Дервен во тек е постапка за утврдување на дисциплинска одговорност на соодветно лице, кон кое ќе бидат преземени строги дисциплински мерки.

Значи, не станува збор за намерно исклучување на водата на болницата, или исклучување со дадена наредба, бидејќи за тоа нема причини.

Реакциите на јавноста се оправдани и очекувани. Сепак, коментарите на социјалните мрежи кои имаат намера да прикажат пред јавноста дека наведениот проблем е намерено предизвикан, смислен и сл. и дека некој сака свесно да предизвика проблем се неточни и злонамерни.

Со почит,
ЈКП Дервен

Најново