Лидерот на граѓанската иницијатива „Србија, демократија, правда“, Оливер Ивановиќ им подлегна на повредите откако е ранет во пукање што се случи утрово во Косовска Митровица, пренесоа српските медиуми.

Француската компанија „Лакталис“ ќе го повлече млекото за бебиња произведено во фабриката во градот Краон, откако десетици бебиња заболеа од бактеријата салмонела. Досега се утврдени 35 вакви случаи во Франција, едно во Шпанија, а има еден сомнителен случај и во Грција, но допрва треба да се утврди дали бебето се разболело од млекото на „Лакталис“ произведено во Краон.

Израел одобри планови за изградба на повеќе од 1.100 нови домови за доселеници на Западниот Брег - палестинска територија, окупирана од израелската армија. Ова денеска го соопшти организацијата „Мир сега", која се бори против колонизацијата.

Дали црквата чекори заедно со Златна зора? Ако не, пак, црквата да ни каже за кое име да преговараме со Скопје. Црквата се меша во дипломатски прашања, а не сака државата да се меша во црковните случаи. Ова се дел од прашањата и дилемите на извори од грчкото МНР, според „Катимерини“, по одлуката на Светиот синод на Грчката православна црква, дека не го прифаќаат ниту терминот Македонија ниту било кој друг изведен збор во името на нашата земја.

Најголемиот германски аеродром во Франкурт денеска откажа 170 летови поради снежно невреме.

Западните делови на Германија од вчера попладне се зафатени од обилни снежни врнежи, кои предизвикаа проблеми во патниот и воздушниот сообраќај.

Поврзани вести

 

Најново