Новото кино ја враќа публиката во салата!

Љубителите на филмските проекции на големо платно се вратија во кино салата. Потврда секако се проекциите на македонскиот филм “Трето полувреме”. Кавадарчани бараа влезница повеќе за проекциите и уживаа во традицијата. Подеднакво можеа да се видат млади но и граѓани од средната генерација.

Тие македонскиот филм го гледаа во првото 3Д кино во Македонија “Каос” кое неодамна во градот го отвори  повратник од Австралија. Засега добра е посетеноста на двете кино престави во денот,кои почнуваат во 18.30 и во 20.30 часот, велат вработените во киното. Задоволни се и  граѓаните бидејќи добија можност да гледаат филмови со висок технички квалитет. Според нив задоволува и понудата што се најде на репертоарот на градското кино.