ДУМА.мк - Известува и доловува!

Врз основа на член 110 од Деловникот на Советот на Општина Велес („Сл. гласник на Општина Велес“ бр. 02/26 и 08/26), Одлуката за востановување награда за животно дело „Гемиџии“ („Службен гласник на Општина Велес“ бр. 7/97, 7/01, 5/04 и 10/26), Комисијата за јавни дејности распишува:

ЈАВЕН ПОВИК

за доделување на

наградата за животно дело „Гемиџии“ за 2026 година

1. Наградата за животно дело „Гемиџии“ се доделува на физичко лице кое со своето долгогодишно професионално, научно, културно, уметничко, образовно, спортско, општествено, стопанско, хуманитарно или друго јавно дејствување оставило траен белег и особен придонес за Општина Велес, нејзината афирмација и развој.

2. Кандидатот за наградата треба да ги исполнува следните критериуми:

Да има остварено особени и трајни резултати од значење за Општина Велес;
Придонесот да има јасно препознатлива вредност за локалната заедница или за афирмацијата на Општина Велес во земјата и/или странство;
Резултатите да се потврдат со релевантна документација, признанија, публикации, проекти, резултати или други докази;
Да има долгогодишно дејствување и континуитет во областа во која е постигнат придонесот;
Со своето дејствување да придонесува кон почитување на јавниот интерес, угледот и вредностите на Општина Велес.

3. Предлог за доделување на наградата можат да поднесат Градоначалникот, член на Советот на Општина Велес, физички и правни лица, установи, здруженија, организации и други субјекти.

Предлогот мора да биде образложен и да содржи податоци и докази за исполнување на критериумите. Кон предлогот се доставуваат докази за исполнување на горенаведените критериуми.

4. Наградата се доделува на свеченост по повод 9 Ноември – Денот на Општина Велес.

5. Предлозите се доставуваат до Комисијата за јавни дејности на Советот на Општина Велес, со назнака:

„Јавен повик за доделување на наградата за животно дело „Гемиџии“ за 2026 година – Комисија за јавни дејности“

Предлозите се доставуваат на адреса: ул. „Панко Брашнар“ бр. 1, Велес, најдоцна до 21 октомври 2026 година.

Претседател

на Комисијата за јавни дејности

Селма Амедоска

Врз основа на член 110 од Деловникот на Советот на Општина Велес („Службен гласник на Општина Велес“ бр. 02/26 и 08/26), Одлуката за востановување награда на Општина Велес за најстудент „Проф. д-р Ѓорѓи Шоптрајанов“ („Службен гласник на Општина Велес“ бр. 17/07 и 10/26), Комисијата за јавни дејности распишува:

ЈАВЕН ПОВИК

за прибирање предлози за доделување на

наградата за најстудент „Проф. д-р Ѓорѓи Шоптрајанов“ за 2026 година

1. Наградата за најстудент „Проф. д-р Ѓорѓи Шоптрајанов“ се доделува на студент од Општина Велес со завршена најмалку втора година од студиите.

2. Наградата се доделува на студент кој постигнал најдобар успех во претходните академски години.

3. Предложениот кандидат за наградата треба да ги исполнува следните услови:

Да е студент на еден од универзитетите во Република Македонија или на акредитиран универзитет во земјата или странство;
Да има просечен успех од најмалку 9,5;
Да е жител на Општина Велес.

4. Предлог за добитник на наградата за најстудент „Проф. д-р Ѓорѓи Шоптрајанов“ може да поднесе секој граѓанин на Општина Велес, како и самиот студент.

Кон предлогот се доставува уверение за предвидените и положените испити за завршените години од студирањето, како и лични податоци за кандидатот – копија од индекс и лична карта.

Предлогот мора да биде образложен.

Документите се доставуваат во оригинал или како заверен препис од нотар. За студентите кои се запишани на факултет во странство, доставените документи треба да бидат преведени од овластен судски преведувач.

5. Наградата се доделува на свеченост по повод 9 Ноември – Денот на Општина Велес.

6. Предлозите се доставуваат до Комисијата за јавни дејности на Советот на Општина Велес, со назнака:

„Јавен повик за прибирање предлози за доделување на наградата за најстудент „Проф. д-р Ѓорѓи Шоптрајанов“ за 2026 година“

Предлозите се доставуваат на адреса: ул. „Панко Брашнар“ бр. 1, Велес, најдоцна до 21 октомври 2026 година.

Претседател

на Комисијата за јавни дејности

Селма Амедоска

Врз основа на член 110 од Деловникот на Советот на Општина Велес („Службен гласник на Општина Велес“ бр. 02/26 и 08/26), Одлуката за востановување 9 Ноемвриски награди и признанија на Општина Велес („Службен гласник на Општина Велес“ бр. 07/97, 7/01, 05/04 и 10/26), Комисијата за јавни дејности распишува:

ЈАВЕН ПОВИК

за доделување

9 Ноемвриски признанија за 2026 година

1. Признанијата се доделуваат во форма на плакети, пофалници и благодарници на најдобри поединци во областа на стопанството, науката, културата, образованието, здравството, уметноста, физичката и техничката култура, архитектурата, публицистиката, иноваторството и екологијата.

2. Признанијата се доделуваат на физички и правни лица, установи, здруженија, организации, неформални групи и други субјекти кои со своето дејствување дале особен придонес за Општина Велес и нејзината афирмација во земјата и странство.

3. Предлози за доделување на 9 Ноемвриски признанија можат да поднесуваат Градоначалникот, член на Советот на Општина Велес, физички и правни лица, установи, здруженија и други субјекти.

4. Предлогот мора да биде образложен и да содржи податоци и докази за исполнување на следните услови:

Делото, односно постигнатите резултати, да претставуваат значајно остварување за одредена област од член 4 на оваа Одлука;
Делото да е објавено и да станало достапно на јавноста до 15 октомври во годината во која се доделува наградата, односно признанието;
Авторот на делото да е жител на Општина Велес или делото да е тематски врзано за Општина Велес.

5. Признанијата се доделуваат на свеченост по повод 9 Ноември – Денот на Општина Велес.

6. Предлозите се доставуваат до Комисијата за јавни дејности на Советот на Општина Велес, со назнака:

„Јавен повик за доделување 9 Ноемвриски признанија за 2026 година“

Предлозите се доставуваат на адреса: ул. „Панко Брашнар“ бр. 1, Велес, најдоцна до 21 октомври 2026 година.

Претседател

на Комисијата за јавни дејности

Селма Амедоска

Ученици на основни училишта учествуваа во едукативна тура на Народен музеј и посетија сакрални објекти во Велес

Центарот за развој на Вардарскиот плански регион воспоставува соработка со словенечки Научно-истражувачки центар „Бистра“ од Птуј

Лишени од слобода двајца мажи од селата Лисиче и Горно Врановци како и вработена во ШС „Бабуна“ за бесправен транспорт на огревно дрво

Обуки од мерката „Поддршка за самовработување – претприемништво“ во Општина Велес

Актерката Слободанка Чичевска одбележува 45 години од првата одиграна улога и 40 години професионална работа во велешки Театар (фото)

Пинк и Лили Ален – „Вистинската љубов“

„Роки“ ќе стане бродвејски мјузикл

Кетрин Зета-Џонс повторно во болница

Тестиран ракетниот погон на патничкиот вселенски брод

Шест милиони верници го следат папата Франциско на Твитер

Мики Секуловски со нова песна

Институциите затворени,ѕидот на тишина ги штити институциите на власта!

Повелба за солидарност – синдикатите ќе се борат против лоши услови за работа!

„Ленка“ и „Солидарност„:Утре наместо скара и пиво дојдете да ги браниме работничките права!

Урната зградата на ВМРО ДПМНЕ во Скопје!

Дефекти на водоводната мрежа оставија неколку улици без вода!

Општина Велес вработува секретар, Дервен и интернатот бараат директори!

Наумов официјално кандидат за лидер на СДСМ!

Галактик тргна!

Знаете ли кои витамини и недостасуваат на вашата кожа?

Се судрија воз и сканија, на железничкиот премин во населбата Превалец!

Шеширите се незаменлив моден додаток!

10 совети за здрав стомак и подобро варење!

Ракети испукани на руски авион над Сирија!

Црниот чај го спречува дијабетесот тип два и дебелеењето!

ЈАВЕН ПОВИК

за доделување на

наградата за животно дело „Гемиџии“ за 2026 година

ЈАВЕН ПОВИК

за прибирање предлози за доделување на

наградата за најстудент „Проф. д-р Ѓорѓи Шоптрајанов“ за 2026 година

ЈАВЕН ПОВИК

за доделување

9 Ноемвриски признанија за 2026 година