Село Ресава некогаш се гордееше со куќите од вино !

Се забораваат старите градби со традиционална македонска историја во Тиквешијата. Куќите од вино кои некогаш биле место за живеење,подоцна интересни за посетителите сега на нивно место нема ништо освен по некоја тула,опколена со трева.доколку ги има сега би биле навистина привлечни за ѕтуристите,ќе имавме со што да се пофалиме,но зажал од нив не остана ништо.

Во моментов се заштитени две куќи кои имаат историско значење, куќата на народниот херој Страшо Пинџур во село Ваташа и онаа во која бил формиран првиот народно ослободителен одбор во Кавадарци.Ова ни го потврди Петре Камчевски кустос историчар од градскиот музеј во Кавадарци..

„ Во 1980 година,во Кавадрци дојде комисија од сегашниот Национален конзерваторски центар,кои имаа за задача од оклоу стотина куќи да изберат десетина со типична градска архитектура за да бидат ставени под заштита на државата.Но тогашната локална власт беше на став дека подобро е да има нови градби во градот така да оттогаш ги иамме само фотографиите од тие куќи коид енс ги нема,вели Камчевски.

Денес ретко да има куќа од оние со стара специфична градба која може да сведочи за минатото и богатата историја на народот од овој крај.

„Кога ни доаѓаат гости од далеку покрај тоа што уживаат во зелените лозови плантажи не прашуваат што има од стари градби да им покажеме.Но за жал не остана ништо дури и од она што беше наша гордот на времето,куќи направени од вино а од кои денес нема ни трага,вели нашиот соговорник од село Ресава.

Куќите направени од вино за кои со носталгија раскажуваат ресавчани,биле навистина голема атракција за случајните минувачи.

Куќите се правеле од непечени тули,направени од земја и слама замесени со вино па затоа и ѕидовите имале црвенкаста боја.Мајсторот за овие дела,куќи од вино бил Шуман кој овде живеел пред век и половина.легендата кажува дека Ресава отсекогаш немала вода за пиење во доволнои количини затоа пак бочвите имале многу вино кои на крај завршувале во куќите.

Според Камчевски,треба да се врати автентичниот живот од минатото зашто тоа би можело да придонесе за бројни туристи да дојдат во овие села.Да се направат вински тури со дегустација на вино,да се пробаат традиционалните тиквешки специјалитети а оние кои сакаат да го почувствуваат вистинскиот селски амбиент да останат и да преноќат овде.

Село Ресава се наоѓа на 340 метри надморска височина,од некогашните 120 куќи сега се некаде на половина,нивните сопственици се отселиле во Кавадарци во потрага по подобар живот.Две преданија говорат за името на селото.Според едната овој крај бил познат по водното растение кое се викало реса и другата дека во  селската црква “Свети Димитрија”,некогаш имало иконостас кој бил ресан од злато,односно бил направен од дрво а подоцна позлатен и многу одмана уште во турско време украден./ Б.Н.Т