Починат велешанец по четири дневно лекување на Инфективно, во велешка болница има 12 слободни болнички легла
3.12.2020
Утринава, eден час по полноќ, на Инфективно одделение почина маж на 72 години од Велес примен на лекување во неделата на 29 ноември. Велешанецот е потврдено позитивен. Тој претходно бил четири дена под надзор на матичен лекар. И покрај висок крвен притисок и бај пас наместо во четвртокот кога ги добил првите симптоми во болница завршил од дома, во неделата
Денеска, вкупниот број на хоспитализирани пациенти во велешка болница изнесува 60 од кои 49 се потврдени позитивни, 7 се сомнителни и 4 пациенти се со негативни тестови. Од нив 21 пациенти се на кислородна поддршка.
На Инфективно одделение се лекуваат вкупно 51 пациенти и има три слободни легла, на Одделението за физикална медицина и рехабилитација 5 што значи дека се слободни 9 болнички легла додека на Интерно има 4 пациенти на кои и покрај завршеното лекување како ковид пациенти им е потребна здравствена помош.
Стоилко Андреевски