СВР Велес: Две тепачки и казни за 32 велешани што не носеле заштитна маска

05.03.2021

На подрачјето на Сектор за внатрешни работи Велес, пријавени се две тепачки во текот на вчерашниот ден. Првата се случила околу 18:00 часот кога едно физичко лице го нападнало С.Т. (82) од Велес, по што настанала физичка пресметка помеѓу него и синот на С.Т.

Се превземаат мерки за расчистување на случајот.

Втората тепачка се случила час и половина подоцна кога во двор на куќа настанала физичка пресметка помеѓу Л.Х.(43) и Б.У.(43).

Во текот на денот во период од 07:00 до 12:00 спроведена е и акциска контрола на возачи кои не го почитуваат превенството на минување. Регистрирани се седум прекршоци од кои три во Велес и четири во Кавадарци.

За Уредбата за носење на лична заштита евидентирани се 53 лица и тоа 32 од Велес, 13 Кавадарци и осум од Неготино. Против овие лица ќе следуваат соодветни мерки.

Стефани Манева