„Луфтханза“ ќе отпушти 29.000 вработени до крајот на годината

07.12,2020

Германската авиокомпанија „Луфтханза“ ќе го намали бројот на вработени за 29.000 до крајот на годината, објави „Билд ам Зонтаг“.

Надвор од Германија, 20.000 вработени се очекува да бидат отпуштени, а компанијата ја продава својата угостителска единица „LSG“, која вработува 7.500 работници. Како резултат, бројот на вработени во „Луфтханза“ ширум светот ќе се намали на 109 000 лица.

Дополнителни 10.000 работни места ќе бидат намалени во Германија следната година. Компанијата веќе потроши три милијарди евра од девет милијарди евра државна помош што ги доби на почетокот на оваа година, пренесува „SEEbiz“.

„Луфтханза“ има вишок од 27.000 вработени со полно работно време, изјави извршниот директор Карстен Спор минатиот месец, иако авиокомпанијата им вети на синдикатите дека нема да прави присилни отпуштања во замена за намалување на бонусите и други исплати.

Мите Јаначков