Нова монета од пет фунти по повод 40-тиот роденден на принцот Вилијам (фото)
Четириесеттиот роденден на британскиот принц Вилијам ќе биде одбележан со издавање на монета од 5 фунти со неговиот лик, соопшти Кралската ковачница.
Официјалниот државен производител на монети на Обединетото Кралство ја претстави монетата во пресрет на роденденот на Вилијам на 21 јуни.
In 2022, His Royal Highness The Duke of Cambridge celebrates his 40th birthday! ? We are delighted to celebrate with a new coin design… https://t.co/Mgk8jqjXeR @KensingtonRoyal pic.twitter.com/CfSTJk4yTW
— The Royal Mint (@RoyalMintUK) May 23, 2022
Ликот на војводата, втор во редот за тронот, за првпат ќе се појави самостојно на официјална монета искована во Кралската кованица.
Креирана е од дизајнерот и гравер Томас Т Доерти. Во средината на монетата е портретот на Вилијам, а околу него кралскиот код на војводата – првата буква од неговото име – W, веднаш до бројот 40.
Од другата страна на паричката ќе биде ликот на кралицата Елизабета Втора, дизајниран од Џоди Кларк.
