Што ако не пиете доволно вода?
Без вода нема живот е општо познато. Водата е извор на здравје, но често забораваме на неа или не пиеме доволно количина колку што му е потребна на организмот.
– Најчестиот знак за жед е сувата уста и чувството на сувост во усната празнина. Ако вашата уста е сува, тогаш на вашето тело му е неопходно хидрирање.
– Недостатокот од вода во телото се манифестира со суви очи кои можат да станат и црвени. Недоволната влажност на очите е посебен проблем за оние кои што носат контактни леќи.
– Пршлените и ‘рскавиците содржат 80 отсто вода. Ако сакате да го спречите непријатното пецкање во коските, кога и да се движите или кога вежбате, внесувајте доволно количество вода.
– Кожата е најголем орган и притоа потребно му е големо количество на вода за правилно да функционира. Сувата и иритирана кожа е еден од првите знаци за дехидрираност и притоа може да доведе до сериозни проблеми. Недостатокот од вода ја намалува способноста на телото да се поти и на тој начин се задржуваат токсините во телото.
– Заморот и поспаноста значат дека на телото му недостига вода. Кога пиете мало количество на вода, телото ја позајмува од другите органи и поради тоа се чувствувате лошо.
– Мускулите содржат големо количество на вода. Внесувањето на мало количество на вода значи и намалување на мускулната маса. За да имате доволно енергија и да го издржите вежбањето, во текот на тренинзите редовно пијте вода.
– Дехидрираноста го мами мозокот и пренесува сигнали дека телото е гладно, па ќе имате чувство на глад во текот на целиот ден. Храната без доволно вода го успорува метаболизмот и формира масни наслаги.
– Недостатокот од вода е видлив и на вашето лице. За тоа е заслужена сувоста на кожата, па таа станува подложна и на формирање на брчки.
– Малото количество на вода во организмот влијае и на потребата за одење во тоалет. Ако не мокрите 4 до 7 пати во текот на денот, со сигурност пиете премалку вода. Темната боја на урината е уште еден знак за дефрираност.
– Подригнувањето е само еден од сигналите дека имате големо количество на желудечна киселина поради дехидрираност. Водата ги влажи органите и кога се внесува во доволни количества ги спречува цревните проблеми и затворот.