Submit to FacebookSubmit to Google PlusSubmit to TwitterSubmit to LinkedIn

Обилните дождови што деновиве паднаа во Велес придонесоа повторно да прокапе покривот на новата театарска зграда. Во дел од просториите, внатре, во зградата мириса на мем и на канализација а на дел од ѕидовите има кругови од влага. Влага има и на фасадата. Сето ова остава впечаток дека зградата не е квалитетно изградена, секаде протекува, што не е добро за ваков нов објект, рече директорот на велешки театар Младен Крстевски.

-Јас откако сум директор на театарот ние сме во постојана комуникација со фирмата што го изведувала проектот. Луѓето се крајно коректни, секој пат кога ги повикувам тие доаѓаат и санираат. Најверојатно пропустот е од претходно и не можат да престасаат за се одеднаш да поправат, рече Крстевки.

Според него доколку објектот бил изграден квалитетно тогаш не ќе имало потреба за поправки барем деценија до две. Но бидејќи тоа не било така, сега останува да се отстранува секој покажан дефект. Крстевски очекува квалиетна изведба на поправките за да не би имало прозивки кој е виновен.

- Најдобро е секој да си ја заврши својата работа како што треба и за толку пари за колку што е платено. Гледате дека во последниве неколку месеци театарот секоја вечер е отворен , секоја вечер имаме претстави, а публика како што велат моите колеги, актери, колку ти душа сака. Значи сега само треба ова да се подстегне за да биде уште поубав и побезбеден. Секако публиката е на прво место а ние како град ја имаме наједуцираната театарска публика во Македонија да не речам и пошироко, рече Крстевски.

Инаку велешки театар до крајот на годината ќе прикаже уште две премиерни изведби на претстави на кои во моментов интезивно работи. На 7 декември е првата, комедијата „Вдовицата се мажи“ работена според „Мечка“ на А.П.Чехов во режија на Младен Крстевски. Втората со наслов „Тоалет за дами“ публиката ќе може премиерно да ја проследи помеѓу 20 и 23 декември./У.Ј

Поврзани вести

 

Вчера и денеска во ЈКП Дервен се испита причината за краткиот прекин на испорака на вода на ЈЗУ Болница – Велес на ден 20.02.2018 година.

Утврдено е дека екипа на Сектор Водовод работела на замена на вентил на ул. Љубљанска, поради што морале да го затворат вентилот на линијата од која од оваа страна се снабдува со вода болницата.

Но, лицето кое го затворило вентилот заради активностите на ул. Љубљанска, со крајна небрежност истото го сторило без да провери дека вентилот од втората доводна линија од страната на Којник бил исто така затворен, а што морал да го стори пред да го затвори вентилот од првата доводна линија. На овој начин ги затворил двата вентила од двете доводни линии и предзвикал краток прекин на водоснабдувањето во болницата во времетраење од 10-15 минути, по што било интервенирано и воспоставено нормално водоснабдување.

Како резултат на горенаведеното, во ЈКП Дервен во тек е постапка за утврдување на дисциплинска одговорност на соодветно лице, кон кое ќе бидат преземени строги дисциплински мерки.

Значи, не станува збор за намерно исклучување на водата на болницата, или исклучување со дадена наредба, бидејќи за тоа нема причини.

Реакциите на јавноста се оправдани и очекувани. Сепак, коментарите на социјалните мрежи кои имаат намера да прикажат пред јавноста дека наведениот проблем е намерено предизвикан, смислен и сл. и дека некој сака свесно да предизвика проблем се неточни и злонамерни.

Со почит,
ЈКП Дервен

Најново