Советот на Народната банка на Република Македонија денес ја одржа својата трета седница.Соопштението го објавуваме во целост.
На седницата беше усвоен Годишниот извештај за 2016 година, при што беше констатирано дека во 2016 година Народната банка успешно ги оствари законски дефинираните цели. Девизниот курс остана стабилен, при што сите показатели за соодветност на девизните резерви се задржаа во комфорната зона.

Ветерниот парк „Богданци“ за генералниот директор на АД ЕЛЕМ, Христијан Мицкоски е најисплатливата инвестиција досега, а компанијата веќе е подготвена за реализација на втората фаза од проектот.

– Од самиот почеток на работата на Ветерниот парк „Богданци“ прогнозираното производство на електрична енергија е надминато за 25 проценти. Резултатите кои се постигнати ги сметаме како извонредно добри и успешни и придонесуваат позитивно во тековната ликвидност на компанијата. Тоа ни дава надеж за реализација на втората фаза, но и за имплементација на слични проекти во околината на Богданци и на други територии во Македонија, изјави Мицкоски по посетата на Ветерниот парк.

Владата на Црна Гора планира да воведе посебен данок за местата кои сакаат да им дозволат на посетителите да пушат во просториите. Црногорските ресторани се жалат дека постоечката забрана го намалува бројот на посетителите, пренесоа Travel.ru.

Љубљана – „Агрокор“ на словенечките добавувачи им е должен над 40 милиони евра, покажува груба проценка изнесена на состанокот на одборот на словенечки дистрибутери на „Конзум“. Словенечките добавувачи очекуваат оваа недела да добијат објаснување од стеќајниот управник Анте Рамљанк околу наплатата на побарувањата. Интересно е што еден од најголемите добавувачи Изет Растодер тврди дека нема проблеми и дека во последната недела успеал да ги наплати своите побарувања од „Агрокор“, кој му должи „само 4 до 5 милиони евра“.

ММФ ја намали проекцијата за растот на македонската економија. Политичката криза и „билдањето“ на јавниот долг се заканува дополнително да ја урниса. Експертите се загрижени.

Меѓународниот монетарен фонд ја намали прогнозата за економски раст на Македонија. Во последниот извештај се предвидува македонската економија годинава да оствари раст од 3,2% што е помалку од есенската, според која растот требаше да изнесува 3,5 %. Неизвесноста во Македонија, која произлегува од долготрајната политичка криза, е клучниот фактор за влошените прогнози кои иако се позитивни, сепак не се причина за оптимизам.

Просечната нето плата во земјава на стартот на оваа 2017 година изнесувала 370 евра.