Промоција на видео записот на најновата песна на Катерина Брезева и група „Соната“
„Ти ветувам љубов„ е насловот на најновата песна на Катерина Брезева и групата „Соната“ од Велес. Таа вчеравечер беше промовиварана пред велешката јавност во Лонџ бар Етаж. Многубројните гости ги воодушеви интересната љубовна приказна преточена во видео запис на песната. Комплетен автор на песната е Темелко Андреев. Тој со големо внимание и посветеност ги изработил текстот, музиката и аранжманот, а исто така и спотот на песната. Освен групата Соната и пејачката Кате Брезева, во спотот се појавуваат и двајца професионални танчери и еден постар брачен пар. Видео записот е снимен во салата Бели мугри и на Хотел Романтик.
„Со оваа песна очекувам да се отвораат свадби, со неа луѓето да си се ветуваат на љубов, да не се стегаат и срамат да кажат дека се заљубени. Очекувам и се надевам песната да биде многу слушана. Со Кате и бендот едноставно е прекрасно да се соработува, со оглед на фактот што тие меѓусебе соработуваат веќе 15 години. За Катерина Брезева можам да кажам дека е еден од најдобрите вокали во Македонија“, рече авторот на песната Темелко Андреев.
Песната „Ти ветувам љубов“ е забавна балада а со тоа и голем предизвик за Брезева. Иако во сосема друг стил таа беспрекорно ја изведува.
„ Првично кога ми ја понудија песната бев скептична и си реков дали ќе можам јас ова да го отпеам затоа што е многу поинаков стил од оној што досега јас го негував. „Ти ветувам љубов“ е песна создадена да с екористи како прва песна за свадбените веселби затоа што ние најчесто настапуваме на тие свадби. Тоа е љубовна песна со љубовна тематика“, рече Брезева.
По промоцијата на песната за Катерина Брезева и членовите од групата „Соната“ следува заслужен одмор, а потоа ќе настапат на Охридфест, на 23 август годинава.
Даниела Саздова